Arrested News.jpg..jpg 
छत्रपती संभाजीनगर

अंगणात लावले चंदनाचे झाड, २२ वर्षाचे झाल्यावर पोलिसांना लागले काम

सकाळवृत्तसेवा

औरंगाबाद: बांधकाम व्यवसायिकाने अंगणात लावलेले अंदाजे ३० हजार रुपये किंमतीचे चंदनाचे झाड चोरणाऱ्याला वीस दिवसांनी पुंडलीकनगर पोलिसांनी अटक केली. अनिल उर्फ प्रभाकर साहेबराव पुंगळे (३२, रा. उफळी ता. सिल्लोड, ह.मु. मिटमिटा गाव) असे आरोपीचे नाव आहे. 

प्रकरणात बांधकाम व्यवसयिक निशांत ओमप्रकाश चंद्रमोरे (३४, रा. छत्रपतीनगर, गारखेडा परिसर) यांनी तक्रार दिली. तक्रारीनुसार, ६ जूनरोजी निशांत हे मुंबईहून औरंगाबादला येत असताना अंगणातील २२ वर्षांपूर्वीचे चंदनाचे झाड कोणीतरी कापून नेल्याचे घरच्यांनी त्यांना सांगितले. निशांत यांनी औरंगाबादला आल्यावर पुंडलिकनगर पोलिस ठाणे गाठत दिलेल्या तक्रारीवरुन आरोपीविरुद्ध गुन्हा दाखल करण्यात आला. 

दोन हजारात ठरला व्यवहार 
२४ जून रोजी आरोपी पुंगळे हा चंदनाची लाकडे विकणार असल्याची माहिती पुंडलिक नगर पोलिसांना मिळाली होती. त्यानुसार पोलिसांनी एक बनावट ग्राहक तयार केला. त्यानंतर आरोपीने ग्राहकाला बीड बायपास येथे भेटण्यासाठी बोलावले. आरोपीने चार हजार रुपये किलो चंदनाचे लाकुड विक्री करत असल्याचे सांगितले. मात्र दोन हजार रुपये किेलो प्रमाणे त्यांचा व्यवहार झाला. 

सापळा रचून केली अटक 
व्यवहार ठरल्यानंतर आरोपीने रात्री ९ वाजता शिवाजीनगर भागात लाकुड आणून देतो असे सांगितले होते. त्यानुसार पुंडलिकनगर ठाण्याचे डी. बी. पथकाचे उपनिरीक्षक प्रभाकर सोनवणे, रमेश सांगळे, बाळाराम चौरे, शिवाजी गायकवाड, प्रविण मुळे, राजेश यदमळ, जालिंदर मांन्टे, विलास डोईफोडे, दिपक जाधव, रवि जाधव कल्याण निकम, निखील खराडकर आदींनी सापळा रचून आरोपीला अटक केली. त्याने चोरीची कबुली दिली. 

शनिवारपर्यंत पोलिस कोठडी 

आरोपीला न्यायालयात हजर करण्यात आले असता, आरोपीला शनिवापर्यंत (ता.२७) पोलिस कोठडीत ठेवण्याचे आदेश प्रथमवर्ग न्यायदंडाधिकारी एस. यु. न्याहारकर यांनी दिले. सहाय्यक सरकारी वकील सय्यद शहेनाज यांनी आरोपीच्या साथीदारांना अटक करणे आहे. तसेच आरोपींनी अशा प्रकारे आणखी किती गुन्हे केले याचा तपास देखील करणे असल्याने आरोपीला पोलिस कोठडी देण्याची विनंती न्यायालयाकडे केली. 


 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Thane Politics: डोंबिवलीत भाजप– शिंदेसेना आमनेसामने! उद्घाटन सोहळ्यात शक्तीप्रदर्शन, बॅनरबाजी आणि घोषणाबाजीने वातावरण तापलं

Video: प्लॅस्टिक किंवा लाकडापासून नाही तर जनावरांच्या हाडांपासून बनतात पॅन्ट-शर्टची बटणं, व्हिडिओ पाहून तुमचाही विश्वास बसणार नाही

World AIDS Day 2025: जागतिक एड्स दिन कधी आहे? जाणून घ्या याची लक्षणं, आणि उपाय

Marathi Live News Updates : ऊस उत्पादक शेतकऱ्यांचे आंदोलन तीव्र, 3 कारखाने आणि 3 गुळाचे मोठे युनिट पडले बंद

Raigad Accident: किल्ले रायगडकडे जाणारी सहलीची मिनीबस पलटी, अनेक विद्यार्थी जखमी

SCROLL FOR NEXT