औरंगाबाद : शासकीय वैद्यकीय महाविद्यालय आणि रुग्णालय (घाटी) येथील अधिष्ठाता कार्यालयातील एक कर्मचारी कोरोना पॉझिटिव्ह आढळला आहे. या कार्यालयातील दहा जणांची चाचणी करण्यात आली असून त्यांचे अहवाल निगेटिव्ह आले आहेत त्या सर्वांना होम क्वारंटाईन  करण्यात आल्याची माहिती बुधवारी (ता. २७) डॉ. कानन येळीकर यांनी दिली.

हेही वाचा- महत्त्वाची बातमी: कामगारांना पूर्ण पगार मिळालाच नाही, कोर्टाचे दरवाजे ठोठावले अन...

डॉ. येळीकर यांनी माहिती देताना सांगितले की, त्यांच्या कार्यालयातील एका कर्मचाऱ्याला कोरोनाची बाधा झाली आहे. त्यामुळे दहा जणांची तपासणी करण्यात आली. यात तीन डॉक्टर, दोन स्टेनो, तीन चतुर्थ श्रेणी कर्मचारी, एक सुरक्षारक्षक, एका चालकाचा समावेश आहे. या सर्वांची कोरोना चाचणी निगेटिव्ह  आली. हे सर्वजण होम क्वारंटाइन झाले आहेत.

अधिष्ठातांचा पदभार डॉ. शिवाजी सुक्रे यांच्याकडे
अधिष्ठाता कार्यालयमध्ये कोरोना बाधित कर्मचारी आढळल्यानंतर हे कार्यालय बुधवारी (ता. २७) दुपारी बंद करण्यात आले. ते चार दिवसानंतर अर्थात सोमवारी (ता. २) उघडण्यात येणार आहे. याकाळात अधिष्ठातांचा पदभार उपअधिष्ठाता डॉ. शिवाजी सुक्रे यांच्याकडे देण्यात आला आहे ते त्यांच्या कार्यालयातूनच कारभार पाहतील. अशी माहिती डॉ. कानन येळीकर यांनी दिली.

क्लिक करा: सावधान!! कोविडच्या मृत्युदरात औरंगाबाद देशापेक्षाही आहे पुढे