पाचोड - अंतरवाली सराटी (जालना) येथील हल्ल्याच्या निषेधार्थ सोमवारी (ता.४) पाचोड परिसरात विविध ठिकाणी रास्ता रोको आंदोलन करण्यात आले. दरम्यान मनसेचे अध्यक्ष राज ठाकरे यांचा ताफा आला असता आंदोलनकर्त्यांनी तो थांबविल्याची घटना घडली.
धुळे-सोलापूर राष्ट्रीय महामार्गावर मुरमा (ता.पैठण) फाट्यावर सोमवारी सकाळी साडेआठ वाजता मुरमासह कोळीबोडखा व अन्य गाव च्या ग्रामस्थांनी रास्ता रोको आंदोलन केले. यावेळी मंडलाधिकारी जयकुमार केकाण, तलाठी सीमा राजाळे,अनुया कावळे, अनंत शिंदे व पाचोडचे सहाय्यक पोलिस निरीक्षक संतोष माने यांनी निवेदन स्वीकारले.
त्यानंतर आडगाव जावळे (ता.पैठण) येथे धुळे-सोलापूर राष्ट्रीय महामार्गावर सकाळी साडेनऊ वाजता रास्ता रोको आंदोलन झाले. यावेळी महाराष्ट्र नवनिर्माण सेनेचे अध्यक्ष राज ठाकरे यांचा ताफा आंदोलन करणाऱ्यांनी अडविला. त्यानंतर राज ठाकरे वाहनातून खाली उतरले व मुख्यमंत्र्यांची भेट आरक्षणाबाबत चर्चा करतो असे आश्वासन दिले. तेव्हा ग्रामस्थांनी वाहनाला वाट मोकळी करून दिली.
दरम्यान पाचोड - पैठण रस्त्यावरील दादेगाव - हर्षी फाट्यावर हर्षी, सोनवाडी, वाघवाडी, दादेगाव येथील सर्व समाज बांधवांनी एकत्रित येऊन रास्ता रोको आंदोलन केले. यावेळी शासनाचे प्रतिनिधी म्हणून मंडलाधिकारी जयकुमार केकाण, तलाठी अनंत शिंदे, अनुया कावळे,पोलिस उपनिरीक्षक नितीन काकरवाल यांनी निवेदन स्वीकारले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.