औरंगाबाद : मोठ्या फाटाफुटीनंतर शिंदे गटाच्या गोटात गेलेले आमदार प्रदीप जैस्वाल यांचे महानगरप्रमुख पद काढून त्यांच्या जागी माजी आमदार किशनचंद तनवाणी यांची महानगरप्रमुख म्हणून नियुक्ती केली होती. आता अडीच महिन्यानंतर श्री. तनवाणी यांना बढती देत त्यांची जिल्हा प्रमुखपदी नियुक्ती करण्यात आली आहे. औरंगाबाद पूर्व, पश्चिम आणि मध्य असे तीन विधानसभा मतदारसंघ हे त्यांचे कार्यक्षेत्र राहणार आहे.
शिवसेनेच्या ४० आमदारांनी बंड केले. त्यात औरंगाबाद मध्यचे आमदार प्रदीप जैस्वाल यांचाही समावेश होता. या पार्श्वभूमीवर शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांनी गेल्या ऑगस्टमध्ये प्रदीप जैस्वाल यांचे महानगरप्रमुख पद काढून घेत त्या जागी शिवसेनेचे माजी आमदार किशनचंद तनवाणी यांची त्या पदावर नियुक्ती केली होती.
किशनचंद तनवाणी हे २०१४ मध्ये विधानसभा निवडणुकीच्या तोंडावर शिवसेनेतून भाजपमध्ये गेले होते, नंतर ते पुन्हा शिवसेनेत परतले. मात्र बराच काळ त्यांना कोणतेही पद देण्यात आले नव्हते. ते पक्ष कार्यापासून दूरच होते. आमदारांच्या बंडखोरीनंतर त्यांना महानगरप्रमुख पद मिळाले, परंतु त्यानंतरही तनवाणी नाराज असल्याचीच चर्चा होती, आता त्यांना बढती देत जिल्हा प्रमुखपदी नियुक्ती देण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.