सिल्लोड (जि.औरंगाबाद) : मुंबई येथे बेस्टच्या सेवेत कर्तव्यासाठी पाठविलेल्या आगारातील चालक व वाहक यांची कोव्हिड चाचणी न करताच त्यांना सिल्लोड येथे कर्तव्यावर बोलविण्यात येत असल्यामुळे चालक व वाहकांमध्ये असंतोष निर्माण झाला आहे. महत्वाचे म्हणजे सिल्लोड येथील चालकाला गुरूवारी (ता.१०) जालना फेरीसाठी पाठविण्यात आले. त्यांचा कोव्हिड चाचणी अहवाल पॉझिटिव्ह आल्यानंतर त्यांना फेरीवरून उतरून घेण्यात आले.
फेरी दरम्यान चालक किती नागरिकांच्या संपर्कात आले असेल याचा ताळमेळच लागत नसून, आगाराचा गलथान कारभार चव्हाट्यावर आला आहे. सिल्लोड आगारातील २१ चालक, २१ वाहकांना मुंबई येथे १५ दिवसांसाठी बेस्टसेवेत कर्तव्यासाठी पाठविण्यात आले होते. मुंबई येथून आल्यानंतर या सर्वांची कोव्हिड-१९ चाचणी करणे आवश्यक होते. परंतू यासाठी पाठपुरावाच झाला नाही. सोमवारी सहा कर्मचारी मुंबई येथून आले.
त्यांची सहा जणांची कोव्हिड-१९ चाचणी करण्यात आली. त्याचा अहवाल आल्यानंतरच त्यांना कर्तव्यावर घेणे गरजेचे होते. परंतू तसे न करता यातील चालकास गुरूवारी जालना फेरीसाठी पाठविण्यात आले. फेरीला गेल्यानंतर चालकाचा अहवाल पॉझिटिव्ह प्राप्त झाला. त्यानंतर तातडीने संबंधित चालकास सिल्लोड येथे आल्यानंतर कर्तव्यावरून उतरून घेण्यात आल्याची माहिती सुत्रांनी दिली. संबंधित चालक कर्तव्यादरम्यान किती नागरिकांच्या संपर्कात आले, याची तपासणी कशी करणार हा प्रश्नच आहे.
Edited - Ganesh Pitekar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.