औरंगाबाद : लॉकडाऊनच्या काळात विविध राज्यातील कामगार व मजुरांना  निवारागृहात ठेवण्यात आले होते. शहरातील वाळुज सह मराठवाड्यातील विविध भागात थांबलेल्या तीन हजार मजुरांना गुरुवारी (ता. १४) उन्नाव आणि आग्रा येथे दोन विशेष रेल्वेने रवाना करण्यात आले.
रेल्वे स्टेशन समोर गुरुवारी (ता. १४) सकाळ पासूनच आपल्या गावी परतण्यासाठी आतूर असलेल्या परप्रांतीय कामगारांची गर्दी सकाळपासुनच सुरू झाली होती. यावेळी कामगारांनी गर्दी केल्यामुळे सोशल डीसिस्टंसिंगचा पुरता फज्जा उडाला. मजुरांची नावे तपासून त्यांना रेल्वे स्थानकात सोडण्यात येत होते. 

एका सिटवर एकच व्यक्ती 

रेल्वेत एका सिटवर एकच व्यक्तीला बसण्याची परवानगी देण्यात आली होती. रेल्वेत जाणाऱ्या प्रवाशांना जाताना जेवणाचा डब्बा आणि पाण्याची एक बॉटल देऊन त्यांना रेल्वे कर्मचाऱ्यांनी रेल्वेत बसविले. या रेल्वेत एकुण दीड हजार प्रवाशांना बसविण्यात आले. ही रेल्वे दुपारी अडीच वाजेच्या दरम्यान उन्नावकडे रवाना झाली. 

जाणून घ्या -  नऊ टक्के भागात कोरोना व्यापला तरीही... 

 हेही वाचा - औरंगाबादेत१८ महिण्यांच्या बाळाला कोरोना  

रेल्वेस्थानकावर गर्दी 

रात्री नऊ वाजता आग्रा येथे सोडण्यात आलेल्या रेल्वेनेही दीड हजार मजुरांना पाठविण्यात आले. रेल्वेत प्रवाशी बसविताना सोशल डिस्टनन्सचा नियम या श्रमीकांना सांगण्यात आला. असले असे तरीही रेल्वेस्थानकावर सुरुवातीला मात्र चांगलीच गर्दी झाली होती. त्यानंतर मात्र ही गर्दी बाजूला करून सोशल डिस्टन्स पालन करण्याचा प्रयत्न करण्यात आला.

हेही वाचा - वेदनादायी : भाकर करंटी; रक्तात नाहली   

पोलिस बंदोबस्त 

तोडांवर मास्क असलेल्या व्यक्तीलाच रेल्वे स्टेशनमध्ये प्रवेश देण्यात येत होता. प्रत्येक प्रवाशाला भोजनाचे पाकीट, सॅनिटायझर देण्यात येत होते. मराठवाड्याच्या विविध ठिकाणाहुन प्रशासनाने एसटी महामंडळाच्या बसमधून आणि पोलिसांच्या वाहनातून प्रवाशांना रेल्वे स्थानकात आणण्यात आले होते. रेल्वे स्थानक परिसरात मोठ्या प्रमाणावर पोलिस बंदोबस्त लावण्यात आला होता.