आडूळ (औरंगाबाद) : भरधाव जाणाऱ्या राज्य परिवहन महामंडळाच्या एसटी बसने समोरून येणाऱ्या दुचाकीला चिरडल्याने एक दुचाकीस्वार जागीच ठार तर एक जण गंभीर जखमी झाल्याची घटना गुरुवारी रात्री आठ वाजेच्या सुमारास औरंगाबाद-बीड या राष्ट्रीय महामार्गावर दाभरुळ गावाजवळील उड्डाणपुलावर घडली.
मराठवाड्यातील अन्य बातम्या वाचण्यासाठी यावर क्लिक करा..!
पाचोड पोलिसांनी सांगितले, की पैठण तालुक्यातील एकतुनी येथील वैजीनाथ बाबुराव चाळगे व शेख अफसर सत्तार हे दोघे विनानंबरच्या दुचाकीने आडगावहून (जावळे) एकतुनीकडे आपल्या घरी जात होते. दाभरुळ गावाजवळील उड्डाणपुलावरून जात असताना त्याच वेळेस औरंगाबादहुन लातूरकडे भरधाव वेगाने जाणाऱ्या एसटी बसने (क्रं एम एच २० बी एल २३६५) त्यांच्या दुचाकीला समोरून धडक दिली.
यात वैजीनाथ बाबुराव चाळगे (वय ३५) हा युवक जागीच ठार झाला. तर त्याच्या पाठीमागे दुचाकीवर बसलेले शेख अफसर सत्तार (वय ५५) हे गंभीररीत्या जखमी झाले. यात दुचाकीचाही चुराडा झाला. घटनेची माहिती पाचोड पोलिसांना कळताच रविंद्र क्षिरसागर, नाना पटेकर, नुसरत शेख, जीवन गुढेकर, विश्वजित धनवे आदींनी ताबडतोब घटनास्थळी धाव घेऊन गंभीर जखमी झालेल्या शेख अफसर यांना पुढील उपचारासाठी पाचोड येथील ग्रामीण रुग्णालय दाखल केले. अपघातामुळे महामार्गावरील वाहतूक ही काही वेळ खोळंबली होती. अपघाताची नोंद पाचोड पोलिस ठाण्यात करण्यात आली आहे.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.