औरंगाबाद : तीस वर्षीय तरुण घरात आला, काही वेळात खोलीत जात आतून दरवाजा लावला. तो आत्महत्या करीत असल्याची बाब घरच्यांना लक्षात येताच त्यांनी मदतीसाठी याचना केली. कानी पडलेले हे आवाज येताच कुटूंबातील इतर सदस्य व व शेजारचे सजग नागरिक धावत गेले अन् आत्महत्येच्या प्रयत्नातील तरुणाला लगेच रुग्णालयात नेत प्राण वाचविले. यासाठी पोलिसांचीही मोठी मदत झाली.
गणेशनगर भागातील हा प्रकार आहे. तीस वर्षीय तरुण शुक्रवारी (ता. ३१) सायंकाळी पाचच्या सुमारास घरी आला.
जेवण करुन आराम करतो म्हणून खोलीत गेला. त्यानंतर कडी लावून त्याने फास गळ्यात टाकला. याच दरम्यान बहीण खोलीकडे वस्तू घेण्यासाठी आली. त्यावेळी तिला भाऊ आत्महत्या करीत असल्याचे दिसून आले. यामुळे बहीण गांगारुन गेली. तिने आरडा-ओरड व मदतीसाठी याचना केली. हे ऐकून गणेशनगर येथील शेजारी राहणारे सजग नागरिक जयसिंग गायकवाड आवाजाच्या दिशेने गेले.
घडत असलेला प्रकार समजताच त्यांनी तरुणाला फासावरुन उतरवित पुंडलिकनगर पोलिसांना कळविले. पाठोपाठ ज्ञानेश्‍वर गायकवाड यांनीही पुंडलिकनगर पोलिस ठाण्याचे निरीक्षक घनशाम सोनवणे यांना कळविले. पुंडलिकनगर पोलिसांनी तात्काळ धाव घेतली. दरम्यान एका खासगी रुग्णालयात तरुणाला भरती करण्यात आले. तेथून नंतर शासकिय वैद्यकीय महाविद्यालय व रुग्णालयात भरती करण्यात आले. चोवीस तासानंतर आता या तरुणाची प्रकृती धोक्याबाहेर आहे, असे जयसिंग राजपूत यांनी सांगितले.
तरुणाचा श्‍वास सुरु होता. ही चांगली बाब होती. आम्ही रिस्पॉन्स टाईममध्ये गेलो, रुग्णालयातील वैद्यकीय अधिकाऱ्यांनाही केस इमर्जन्सी असल्याचे सांगून उपचार सुरु करण्याबाबत सांगितले, त्यांनीही लगेचच उपचार सुरु केले. त्यामुळे एक जीव वाचला याचे समाधान आहे.
-घनशाम सोनवणे, प्रभारी पुंडलिकनगर पोलिस ठाणे.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.