बिडकीन (जि.औरंगाबाद) : औरंगाबाद येथून बिडकीन (ता.पैठण) येथे दुचाकीवरून परतत असलेल्या पतीपत्नीला ओव्हरटेकच्या नादात असलेल्या हायवा ट्रकच्या हुलकावणीने अपघात झाला. यात पत्नी ठार झाल्याची घटना बिडकीनजवळील सहयोगनगर जवळ गुरुवारी (ता.पाच) सायंकाळी सहाच्या सुमारास घडली. औरंगाबाद येथून कार्यक्रम आटोपून बिडकीन येथील व्यापारी दिनेश तोतला हे सपत्नीक आपली दुचाकीवरुन (एमएच २० डीयू ७३६२) बिडकीनला परतत होते.
दरम्यान बिडकीन जवळील सहयोग नगर येथे आले असता समोरून येत असलेल्या व औरंगाबादच्या दिशेने जाणाऱ्या दोन हायवा ट्रक अतिवेगाने औरंगाबादकडे जात असल्याचे दिनेश तोतला यांना लक्षात आले. त्यामुळे त्यांनी आपल्या दुचाकीचा वेग कमी केला, परंतु अतिवेगाने व ओव्हरटेक करीत असलेल्या हायवाच्या (एमएच २० ईएल ९२९२) वाऱ्याच्या वेगाने दुचाकीवर बसलेल्या संगीता तोतला यांचा तोल गेला व त्या हायवाच्या चाकाखाली येऊन जागीच त्यांचा मृत्यू झाला.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.