सिल्लोड (औरंगाबाद) : जागतिक महिला दिनानिमित्त सिल्लोड शहर पोलिस ठाण्याची कायदा व सुव्यवस्था रविवार (ता. आठ) महिला अधिकारी, कर्मचाऱ्यांनी सांभाळली.
सकाळपासूनच शहर पोलिस ठाण्यात महिला कर्मचाऱ्यांनी ठाण्याचा कारभार हाती घेतला होता. यावेळी उपविभागीय पोलिस अधिकारी सुदर्शन मुंडे, शहर पोलिस ठाण्याचे पोलिस निरीक्षक राजेंद्र बोकडे, सहायक पोलिस निरीक्षक नालंदा लांडगे, फौजदार सुनील अंधारे यांनी महिला कर्मचाऱ्यांना फेटे बांधून महिला दिनाच्या शुभेच्छा दिल्या.
यावेळी सहायक पोलिस निरीक्षक नालंदा लांडगे यांनी ठाण्याचा प्रभार हाती घेऊन कामाला सुरूवात केली. रविवारचा आठवडे बाजार असल्याने शहरासह ठाण्याला गर्दीचा विळखा पडला होता. यावेळी महिला कर्मचाऱ्यांनी व्यवस्थितपणे कायदा, सुव्यवस्थेची परिस्थिती हाताळली.
यामध्ये कर्मचारी वैशाली सोनवणे, जयश्री महालकर, कविता वाढेकर, नीता दांडगे यांच्यासह कर्मचाऱ्यांची उपस्थिती होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.