सिल्लोड (जि.औरंगाबाद) : बोरगाव कासारी (ता.सिल्लोड) (Sillod) येथे शनिवारी (ता.२८) विजेच्या धक्क्याने (Electric Shock) एका तरुणाचा मृत्यू झाल्याची घटना घडली. या प्रकरणी वडोद बाजार (ता.फुलंब्री) पोलिस ठाण्यात आकस्मिक मृत्यूची नोंद करण्यात आली आहे. योगेश दादाराव जाधव (वय १९ रा. बोरगाव कासारी (ता.सिल्लोड) असे मृत्यू झालेल्या तरुणाचे नाव आहे. येथील गट क्रमांक १७८ मधील शेतात पिकांना पाणी देण्यासाठी तो गेला होता. विद्युत पंप सुरू करण्यासाठी गेला (Aurangabad) असता विजेचा धक्का बसला. यातच त्याचा जागीच मृत्यू झाला. परिसरातून जात असलेल्या एका शेतकऱ्यास (Farmer) विहिरीजवळ योगेश मृत अवस्थेत आढळला.

त्याने ही माहिती तातडीने गावामध्ये दिली. ग्रामस्थांनी योगेशला सिल्लोड उपजिल्हा रुग्णालयात नेले. येथे वैद्यकीय अधिकाऱ्यांनी त्यास मृत घोषित केले. शवविच्छेदन करून मृतदेह नातेवाइकांच्या ताब्यात देण्यात आला. दुपारी चार वाजेच्या सुमारास तरुणावर अंत्यसंस्कार करण्यात आले. तरुण सदर तरुण अविवाहित असून त्याच्या पश्चात आई, वडील, एक भाऊ, एक बहीण असा परिवार आहे.