आष्टी (जि.बीड) : तालुक्यातील Ashti धानोरा येथे विनापरवाना वाळूचा ट्रॅक्टर पकडणाऱ्या मंडळ अधिकारी व तलाठी यांना वाळू तस्कराकडून दगडाने मारहाण करत धमकी देत ट्रॅक्टरसह पळून गेला. या प्रकरणी सदरील धानोरा सज्जाचे तलाठी यांनी शुक्रवारी (ता.२५) अंभोरा पोलिस ठाण्यात फिर्याद दाखल केली आहे. आष्टी तालुक्यातील कडा, धानोरा टाकळसिंग, कानडी, शिराळ, निमगाव चोभा, देविनिमगाव, घोंगडेवाडी तसेच सीना नदीच्या पात्रातून राजरोसपणे विना परवाना वाळू उपसा सुरू आहे. त्यामुळे शासनाचा लाखो रुपयांचा महसूल बुडत आहे. महसूल व पोलिस प्रशासनाचा आष्टी तालुक्यात Beed धाक राहिला नसल्याचे दिसून येत आहे. धानोरा मंडळ विभागाचे मंडळ अधिकारी एस.एन.गवळी व धानोरा सज्जाचे तलाठी अनिल ठाकरे हे शुक्रवारी सकाळी धानोरा कुंभारवाडी रस्त्यावर थांबले असता त्यांना विना क्रमांकाचा वाळूने भरलेला ट्रॅक्टर आढळून आला. यावेळी ट्रॅक्टर चालक नागेश अशोक होळकर यास वाळू परवाला विषयी चौकशी केली. त्याने परवाना माझ्याकडे नाही म्हणत ट्रॅक्टर पळून घेऊन जाण्याचा प्रयत्न केला असता तलाठी अनिल ठाकरे यांनी सदरील ट्रॅक्टर अडविला.beed crime news sand smuggler beaten village revenue chief in ashti tahsil

याचा राग येऊन नागेश होळकर याने अनिल ठाकरे यांना धमकी देत दगडाने मारहाण केली असून त्यांच्या हाताला चांगलाच मार लागला आहे. याचवेळी नागेश होळकर याने वाळूच्या ट्रॉलीसह ट्रॅक्टर घेऊन पळून गेला. या प्रकरणी तलाठी अनिल ठाकरे यांनी अंभोरा पोलिस ठाण्यात फिर्याद दिली आहे. पुढील तपास पोलिस उपनिरीक्षक राहुल लोखंडे हे करित आहेत.