बीड: अतिरिक्त पावसामुळे पिकांचे मोठे नुकसान झाले. पंचनामे न करता शेतकऱ्यांना सरसकट हेक्टरी ५० हजार रूपयाची आर्थिक मदत देण्यात यावी या मागणीसाठी वडवणी तालुक्यातील शेकडो शेतकऱ्यांनी शुक्रवारी (ता. १७) जिल्हाधिकारी कार्यालयावर मोर्चा काढला. १५ सप्टेंबरपासून या मोर्चाला सुरवात झाली होती. स्वाभिमानी शेतकरी संघटनेच्या वतीने हा मोर्चा काढण्यात आलेला होता.
शेतकऱ्यांवर नेहमीच कोणते ना कोणते संकट कोसळते. यावर्षी खरीप पीक चांगले आले होते. मात्र अतिरिक्त पावसामुळे पिकांचे मोठे नुकसान झाले, शेतकऱ्यांच्या हाता तोंडाला आलेला घास निसर्गाने हिरावून घेतला. अतिरिक्त पावसामुळे शेतीसह पिकाचे मोठे नुकसान झाल्याने त्याचे पंचनामे सुरू आहेत. पंचनाम्याच्या भानगडीत न पडता शेतकऱ्यांना सरसकट हेक्टरी ५० हजार रुपयांची मदत देण्यात यावी. यासह इतर मागण्यांसाठी स्वाभिमानी शेतकरी संघटनेच्या वतीने जिल्हाधिकारी कार्यालयावर शेतकऱ्यांनी पायी मोर्चा काढण्यात आला.
१५ सप्टेंबर रोजी चिंचोटी (ता. वडवणी) येथून या मोर्चाला सुरुवात झाली. त्यानंतर तीन दिवसांच्या पदयात्रेनंतर मराठवाडा मुक्तिसंग्राम दिनी हा मोर्चा जिल्हाधिकारी कार्यालयावर धडकला. यावेळी शेतकऱ्यांनी आपल्या मागण्यांचे निवेदन पालकमंत्री धनंजय मुंडे यांना दिले. जिल्हाध्यक्ष कुलदीप करपे यांनी आंदोलनाचे नेतृत्व केले. जनता दलाच्या राष्ट्रीय सचिव सुशिला मोराळे यांचीही यावेळी उपस्थिती होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.