बीड : बीड येथील भारतीय आयुर्विमाच्या (एलआयसी) मुख्य कार्यालयाला सोमवारी (ता.नऊ) पहाटेच्या सुमारास भीषण आग लागली. यात लाखो कागदपत्रे जळून खाक झाली आहेत. बीड शहरातील नगर रस्त्यावरील एलआयसीच्या कार्यालयाला आज पहाटे भीषण आग लागली होती. या आगीत पूर्ण कार्यालय जळून खाक झाले असून मोठे आर्थिक नुकसान झाले आहे.
या कार्यालयामधील जुने दस्तावेज आणि संगणक महत्त्वाचे साहित्य जळून राख झाले आहे. आग आटोक्यात आणण्यासाठी अग्निशमन दलाच्या दोन गाड्या घटनास्थळी दाखल झाल्या. अग्निशमन दलाच्या जवानांनी आगीवर नियंत्रण मिळविल आहे. आगीमुळे परिसरात धुराचे मोठे लोट पसरले होते. सोमवारी पहाटेच्या सुमारास आग लागल्याने आग पूर्ण कार्यालयात पसरली.
ही आग प्रचंड भीषण असल्यामुळे कार्यालयामधील साहित्य जळून खाक झाले आहे. या आगीत कोणतीही जीवितहानी झाली नसल्याचे कळते. कोणत्या कारणामुळे ही आग लागली हे अद्याप स्पष्ट होऊ शकलेले नाही. या प्रकरणी पोलिसांकडून घटनास्थळी तपास सुरू आहे. ही आग धुमसत असल्याने पुन्हा रौद्र रुप धारण करते. त्यामुळे अग्निशमन दलाकडून पूर्ण नियंत्रण मिळविण्यासाठी सध्या प्रयत्न सुरू आहेत.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.