हिंगोली : येथील प्रधानमंत्री ग्रामसडक योजना कार्यालय कार्यकारी अभियंता महाराष्ट्र ग्रामीण रस्ते विकास संस्था हिंगोलीच्या कार्यालयासमोर राष्ट्रवादी काँग्रेस पार्टी कळमनुरीच्यावतीने विविध मागण्यासंदर्भात सोमवारी (ता.४) भजन आंदोलन करण्यात आले.

प्रधानमंत्री ग्रामसडक योजना हिंगोली अंतर्गत कळमनुरी ते पुयणा, सांडस, चाफनाथ सालेगाव, रुपुर आणि म्हैसगव्हान या रस्त्याचे काम निकृष्ट दर्जाचे व अत्यंत संथगतीने होत असल्या कारणाने राष्ट्रवादी काँग्रेस पार्टी कळमनुरीच्यावतीने सोमवारी प्रधानमंत्री ग्रामसडक योजना कार्यालयासमोर भजन आंदोलन करण्यात आले.

राष्ट्रवादी काँग्रेस पक्षाचे जिल्हाध्यक्ष दिलीप चव्हाण यांच्या वतीने अधिकारी यांना मागण्याचे निवेदन देण्यात आले. भजन आंदोलन राष्ट्रवादी काँग्रेस पार्टीचे कळमनुरी तालुका अध्यक्ष शिवाजी शिंदे पाटील पुयणीकर यांच्या मार्गदर्शनाखाली करण्यात आले. यावेळी बाबूराव वानखेडे, वसंतराव पतंगे,बाबाभाई, संजय वाढवे, अभिजित देशमुख, यांच्यासह इतर ग्रामस्थ उपस्थित होते.