परंडा (जि.उस्मानाबाद): भारतीय जनता पार्टीचे सरचिटणीस आमदार सुजितसिंह ठाकूर यांच्यासह कुटुंबातील सहाजण कोरोनाबाधीत झाले आहेत. काही दिवसापूर्वी आमदार ठाकूर यांच्या आई आजारी असल्याने मंगळवारी (ता.४) कुटुंबातील सर्वांची रॅपीड अॅन्टीजन टेस्ट करण्यात आली होती.
ठाकूर यांच्या कुटूंबातील सहा सदस्य कोरोना बाधित असल्याचा अहवाल आला आहे. रविवारी (ता.९) पून्हा सदस्य व संपर्कातील सर्वांचे आरटीपीसीआर करण्यात आले. दरम्यान कुटूंबातील आणखी तीन तर संपर्कातील तीन जण बाधित असल्याचा अहवाल आला आहे.
अजूनही तीन जणांचे अहवाल येण्याचे बाकी असून आमदार ठाकूर यांच्यासह सर्वांची प्रकृती चांगली असल्याची माहिती ठाकूर यांनी सोशल मिडीयाद्वारे प्रसारित केली आहे. आपल्या संपर्कात आलेल्यांनीही कोरोना तपासणी करुन घ्यावी असेही ठाकूर यांनी आवाहन केले आहे.
मी ३ ऑगस्टपासून बाहेर कोणाच्याही संपर्कात नाही. काळजीपोटी अनेकांचे फोन येतात, मात्र सर्वांना उत्तर देणं शक्य नाही. मोबाईल संदेशाद्वारे कामासाठी उपलब्ध असेन.
-सुजितसिंह ठाकूर, प्रदेश सरचिटणीस, भाजपा.
हेही वाचा- माझं लेकरु तहसीलदार झालं, हे कळलं तेव्हा मी रानात होते, मग काय इतका आनंद झाला म्हणून सांगू....
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.