परळी वैजनाथ : शहरातील पवनराजे मल्टिस्टेट को-ऑपरेटिव्ह सोसायटीचे अध्यक्ष प्रल्हाद सावंत (वय ४३) यांनी गळफास घेऊन आत्महत्या केली. ही घटना मंगळवारी सायंकाळी सात वाजता उघडकीस आली.

शहरातील प्रेमप्रज्ञा नगर येथील अपार्टमेंटमध्ये सावंत यांनी काही दिवसांपूर्वीच घर खरेदी केले होते. अद्याप ते तिथे राहायलाही गेले नव्हते. याच घरात दोरीने गळफास घेऊन त्यांनी आत्महत्या केली. त्यांच्या आत्महत्येचे कारण उशिरापर्यंत समजू शकले नाही.

पोलिसांनी पंचनामा केला असून त्यांच्या खिशात कागदपत्रे सापडली आहेत. त्यावरून तपास करण्यात येत आहे. प्रल्हाद सावंत यांच्या पश्चात पत्नी, एक मुलगा, एक मुलगी असा परिवार आहे.