सेलू (जि.परभणी) : गाव पातळीवर ग्रामपंचायतीनंतर अत्यंत प्रतिष्ठेची समजली जाणारी आणि गाव पुढाऱ्यांचा कस लावणारी निवडणूक म्हणून विविध कार्यकारी सेवा सहकारी संस्थेच्या संचालक मंडळाच्या निवडणुकीकडे पाहिले जाते. सेलू (Selu) तालुक्यातील ३१ विविध कार्यकारी सेवा सहकारी संस्थेच्या निवडणुकाच्या (Cooperative Societies Election) मतदार याद्याचे कामे तपासून पुर्ण झाली आहेत. परंतू गट सचिवांच्या संपामुळे निवडणुकीचे कामे रखडली होती. गटसचिवांचा संप अखेर मिटला असल्याने येत्या फेब्रुवारी महिन्यातच सोसायटीच्या निवडणुकीचे कामे होणार असल्याची माहिती सूत्रांनी दिली आहे. सेलू तालुक्यातील ३१ विविध कार्यकारी सेवा सहकारी संस्थेच्या संचालक मंडळांची निवडणूक ३१ मार्च २०२२ पूर्वी घ्याव्यात असे प्राधिकरणाचे आदेश आहेत. (Cooperative Societies Election In February In Selu Taluka Of Parbhani)

त्या अनुषंगाने संबधित विभाग युध्दपातळीवर तयारी लागला आहे. अलीकडे कोणतीही निवडणूक म्हटलं की, त्यावर होणारा खर्चही वाढला आहे. ओल्या पार्ट्या आणि मतदारांच्या वाढलेल्या अपेक्षा वाढल्या आहेत. एक तर अनेक सहकारी संस्था आर्थिकदृष्ट्या डबघाईस आलेल्या आहेत. त्यातच संस्थेला निवडणुकीचा खर्च परवडणारा नाही. तालुक्यातील ३१ विविध कार्यकारी सेवा सहकारी संस्थेच्या मतदार यादी तपासणीचे कामे पुर्ण झाली आहेत. परंतु गट सचिवांच्या संपामुळे निवडणुकीचे (Parbhani) कामे खोळंबली होती.

अखेर गटसचिवांचा संप मिटला असून येणार्‍या फेब्रुवारी महिन्यात सोसायटीच्या निवडणुकीचे कामे सुरू होणार असून तीन महिन्यात सर्व कामे पूर्ण होणार आहेत. त्यानंतर सेलू कृषी उत्पन्न बार समितीची निवडणूक लागणार असल्याची माहिती सहायक दुय्यम निबंधक माधव यादव यांनी दिली.