चाकूर (जि. लातूर) - शहरातील आरोग्य कर्मचारी कोरोना पॉझिटिव्ह आढळल्यानंतर त्याच्या संपर्कातील डॉक्टर व कर्मचारी यांचे २२ स्वॅब तपासणीसाठी पाठवले होते. यामुळे भीतीचे वातावरण निर्माण झाले होते. गुरुवारी (ता. दोन) रात्री या सर्वांचे अहवाल निगेटिव्ह आल्यामुळे चाकूरकरांनी नि:श्वास सोडला.
ग्रामीण रुग्णालयात रुग्णालयातील आरोग्य कर्मचारी कोरोनाग्रस्त झाला आहे. शहरात हा पहिलाच रुग्ण सापडल्यामुळे भीतीचे वातावरण निर्माण झाले असून, तो राहत असलेला परिसर सील करण्यात आला आहे. त्याच्या संपर्कात आलेले ग्रामीण रुग्णालयाचे वैद्यकीय अधीक्षक, वैद्यकीय अधिकारी, परिचारिका यासह त्याच्या कुटुंबातील व्यक्तींना येथील कृषी व्यवसाय व्यवस्थापन महाविद्यालयातील संस्थात्मक विलगीकरण कक्षात ठेवण्यात आले आहे. रुग्णालय दोन दिवसासाठी बंद ठेवण्यात आले आहे. त्याच्या सोबत अनेकांचा संपर्क आला होता. या २२ व्यक्तीचे स्वॅब तपासणीसाठी लातूरला पाठविण्यात आले होते. एकाच वेळी एवढ्या व्यक्तींचे स्वॅब तपासणीसाठी गेल्यामुळे नेमक काय होईल याकडे सर्वांचे लक्ष लागले होते.
रुग्णालयात रोज अनेकजण तपासणीसाठी येत असतात यामुळे सर्वांना भीती होती. गुरुवारी रात्री या सर्वांचा अहवाल निगेटिव्ह आल्यामुळे चाकूरकरांनी सुटकेचा निश्वास सोडला. रोहिना (ता. चाकूर) येथील कोरोनाग्रस्त महिलेच्या संपर्कात आलेल्या व्यक्तीचे स्वॅब पाठविण्यात आली असून, त्याचा अहवाल शुक्रवारी येणे अपेक्षित आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.