सिरसाळा (जि. बीड) - किनगाव (ता. अहमदपूर, जि. लातूर) गावातील प्रेमीयुगुलास विवाह करून राजस्थानात पलायन करण्याच्या तयारीत असताना मोठ्या शिताफीने मंगळवारी (ता. १९) दुपारी चारच्या सुमारास सिरसाळ्यातून ताब्यात घेण्यात आले.
तीन दिवसांपासून हे प्रेमीयुगुल सोनपेठ रोडवरील वीटभट्टीवर थांबले होते. अहमदपूर तालुक्यातील किनगाव गावातील भेळचा व्यवसाय असणाऱ्या रतनलाल साळवी नावाच्या युवकाने गावातील एका सतरावर्षीय अल्पवयीन मुलीस लग्नाचे आमिष दाखवून एक मे रोजी गावातून पळविले. त्याच्यावर तीन तारखेस किनगाव पोलिस ठाण्यात मुलीच्या आईने दिलेल्या तक्रारीवरून गुन्हाही नोंद करण्यात आला.
दरम्यान, त्या मुलाचे मोबाईल लोकेशन हे सिरसाळा दाखवत असल्याने किनगाव पोलिसांनी सिरसाळा पोलिसांशी संपर्क साधून सर्व प्रकार सांगितला. सहायक पोलिस निरीक्षक श्रीकांत डोंगरे यांच्या मार्गदर्शनाखाली पोलिस जमादार विष्णू फड यांनी येथील सोनपेठ रस्त्यावरील एका वीटभट्टीवर मोठ्या शिताफीने त्या दोघांनाही ताब्यात घेतले. तर त्यांना किनगाव येथे घेऊन जाण्यासाठी त्या मुलीच्या आईसह सपोनि गजानन अन्सापुरे, पोलिस जमादार सय्यद महबूब हे एका खासगी वाहनाने सायंकाळी सहा वाजता सिरसाळ्यात दाखल झाले. मुलीच्या जबाबावरून पुढील कारवाई केली जाईल असे श्री. अन्सापुरे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.