आष्टी (जि. बीड) - बहिणीची वर्तणूक चांगली नसल्याची खोटी माहिती फोनवरून पतीला का दिली? असे म्हणून तरुणास बेदम मारहाण करून त्याच्या छातीवर दगड मारल्याने तो जागीच गतप्राण झाला. तालुक्यातील कानडी बुद्रूक येथे मंगळवारी (ता. नऊ) घडलेल्या या घटनेने तालुक्यात खळबळ उडाली आहे.
याबाबत पोलिसांकडून समजलेली माहिती अशी की, तालुका सरहद्दीवर असलेल्या कानडी बुद्रूक येथील संजय सुखदेव वलवळे (वय ३५) याचे गावातीलच रामेश्वर घुले याच्याशी सोमवारी (ता. आठ) सायंकाळी फोनवर बोलणे झाले होते. मंगळवारी सकाळी आठच्या सुमारास गावातीलच आरोपी संजय याच्या घरी आले. त्यांनी तू आमच्या बहिणीची वर्तणूक चांगली नसल्याची खोटी माहिती तिच्या पतीला का दिलीस? असे म्हणून संजयला बेदम मारहाण सुरू केली.
मारहाणीत छातीवर दगड अथवा वीट लागल्याने गंभीर जखमी होऊन त्याचा जागीच मृत्यू झाला. या घटनेनंतर कानडी परिसरात एकच खळबळ उडाली. घटनेची माहिती समजताच पोलिस उपअधीक्षक विजय लगारे यांनी कानडी बुद्रूक येथे भेट दिली. यानंतर तरुणाचा मृतदेह आष्टी येथील ग्रामीण रुग्णालयात शवविच्छेदनासाठी आणण्यात आला असून आष्टी पोलिसांत गुन्हा नोंदविण्याची प्रक्रिया सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.