उजनी (लातूर): पावसामुळे पिकांच्या झालेल्या नुकसानीची माहिती विमा कंपनीला कळविण्यासाठी शेतकऱ्यांना तारेवरची कसरत करावी लागत आहे. त्यातच विमा कंपनीच्या ऑनलाइन प्रणालीमध्ये असंख्य त्रुटी असल्याचे पहावसाय मिळत आहे. यात शेतकरी वेळेत नुकसानीची माहिती कंपनीला कळविण्यास अपयशी ठरत आहे. त्या अनुषंगाने ‘शेतकऱ्याची पोरं’ या संघटनेने शेतकऱ्यांना तांत्रिक सहाय्य करण्यासाठी पुढाकार घेतला आहे.
मागील खरीप हंगामात शेतकऱ्यांना पिकांच्या झालेल्या नुकसानीची ऑनलाइन तक्रार क्रॉप इन्शुरन्स ॲपवर न केल्याचा बहाणा देत विमा कंपनीने तालुक्यातील शेतकऱ्यांना विम्यापासून वंचित ठेवले आहे. यावर्षीही मोठ्या पावसामुळे अनेकांच्या पिकांचे नुकसान झाले. परंतु, तंत्रज्ञानाची माहिती नसलेल्या शेतकऱ्यांना कंपनीला पीक नुकसानीची माहिती कळविण्यास अडचणी येत असल्याची बाब ‘शेतकऱ्याची पोरं’ या समुहाने निदर्शनास आणली.
या पार्श्वभूमीवर औसा तालुक्यातील शेतकऱ्यांना आपल्या पिकांच्या नुकसानीची तक्रार ऑनलाइन दाखल करता यावी, यासाठी येथील शेतकऱ्यांची पोरं संघटनेच्या वतीने प्रत्येक गावात तांत्रिक सहाय्यक नेमण्यात आला आहे. यात तालुक्यातील तब्बल ८० गावांमध्ये अजिंक्य शिंदेच्या मार्गदर्शनाखाली टीम गठित करण्यात आली आहे. विमा कंपनीकडून शेतकऱ्यांची होणारी लूट थांबवण्यासाठी सर्वांनी सहकार्य करावे, असे आवाहन ‘शेतकऱ्याची पोरं’ च्या सदस्यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.