उदगीर (जि. लातूर) :  शहर व परिसरातील कोरोना रुग्णांची संख्या दिवसेंदिवस वाढत आहे. बुधवारी (ता. एक) येथील कोविड रुग्णालयामध्ये मृत्यू झालेल्या एका महिलेच्या चाचणीचा अहवाल आज (ता. जोन) पॉझिटिव्ह आला. त्यामुळे कोरोना बळीची संख्या आता सातवर गेली आहे.

शहरातील कोविड रुग्णालयात उपचार सुरू असलेल्या रुग्णांची संख्या तीसवर पोचले आहे. सात रुग्णांचा आतापर्यंत बळी गेला आहे. शहरातील मोमीनपुरा भागातील एका 68 वर्षीय महिलेला अत्यवस्थ अवस्थेत एका खासगी रुग्णालयात नेले असता त्यांची परिस्थिती पाहून कोविड रुग्णालयाकडे या रुग्णाला वर्ग केले. तेथे दाखल करतात या महिलेचा मृत्यू झाला  असल्याची माहिती जिल्हा शल्य चिकित्सक कार्यालयाचे निवासी वैद्यकीय अधिकारी डॉ सतिष हरिदास व कोव्हिड  रुग्णालयाचे नोडल अधिकारी डॉ. शशिकांत देशपांडे यांनी दिली आहे.

चिंताजनक ! कोरोनाग्रस्तांची संख्या ६ लाखांच्या वर

उदगीरच्या कोविंड रुग्णालयातून गुरुवारी (ता. एक) रोजी पाठवण्यात आलेल्या एकूण आठ स्वॅब पैकी तीन अहवाल पॉझिटिव्ह आले आहेत.यातील मोमीनपुरा भागातील महिलेचा बुधवारी मृत्यू झाला असून एक नेत्रगाव तर दुसरा देगलूर रोड, परिसरातील नागरिकास कोरोनाची लागण झाल्याचा अहवाल आल्याने खळबळ उडाली आहे.

मनात कोरोनाची भिती असेल तर सरकारने तुमच्यासाठी घेतलाय मोठा निर्णय

उदगीर शहर व परिसरात आतापर्यंत एकूण एकशे सतरा रुग्णांची  नोंद झाली आहे. त्यापैकी यशस्वी उपचारानंतर एकूण नव्वद रुग्णांना डिस्चार्ज देऊन घरी पाठवण्यात आले आहे. पैकी सात रुग्णांचा मृत्यू झाला आहे. गुरुवारी उदगीरात दोन तर नेत्रगाव येथे एक अशा  एकूण नवीन तीन कंटेनमेंट झोनची वाढ झाली आहे.