बीड : मराठ्यांना वाऱ्यावर सोडू नका, असा इशारा शिवसंग्राम संघटनेचे (Shivsangram Sanghatna) प्रमुख विनायक मेटे (Vinayak Mete) यांनी दिला. या प्रसंगी त्यांनी सार्वजनिक बांधकाममंत्री अशोक चव्हाण (Ashok Chavan) यांचा राजीनामा घ्या, अशी मागणी त्यांनी सरकारकडे केली. बीड (Beed) येथे आज शनिवारी (ता.पाच) मराठा क्रांती संघर्ष मोर्चाचे आयोजन करण्यात आले होते. त्यावेळी श्री.मेटे बोलत होते. श्री.मेटे म्हणाले, की ही लढाई गरीब, श्रीमंतांची नाही. या सरकारला लाथा मारल्याशिवाय जाग येणार नाही. अन्यथा ते जागे होणार नाही. भविष्यातील मोर्चांवर बोलताना ते म्हणाले, प्रत्येक ठिकाणी मी आणि नरेंद्र पाटील (Narendra Modi) शंभर टक्के गेल्याशिवाय राहणार नाही. जोपर्यंत आरक्षण (Maratha Reservation) मिळणार नाही, तोपर्यंत संघर्ष चालू राहील, असे आश्वासन त्यांनी दिले. (Don't Ignore Maratha Community's Issues, Vinayak Mete Warned Government)

येत्या पाच जुलैपर्यंत मागण्या मान्य केल्या नाहीतर पावसाळी अधिवेशन चालू देणार नसल्याचा इशारा मेटेंनी सरकारला दिला. मराठा आमदारांनी (Maratha Community) सरकारकडून मागण्या मान्य करुन घ्यावे, अशी विनंती त्यांनी लोकप्रतिनिधींना केली. राज्यातील या सरकारला कोणत्याही समाजाशी देणे-घेणे नाही. सरकारला चले जाओ असे म्हणण्याची वेळ आणू नका उद्धवजी, असे आवाहन श्री.मेटेंनी केली आहे.