औरंगाबाद - औरंगाबाद येथील महाराष्ट्र राष्ट्रीय विधी विद्यापीठाच्या कुलगुरुपदी डॉ. कोल्लुरु व्यंकटा सोमनाथा सर्मा यांची निवड झाली. डॉ. सर्मा यांनी मंगळवारी (ता. 20) प्रभारी कुलगुरु कोंडय्या जोनलगड्डा यांच्याकडून पदभार स्वीकारला. 

डॉ. कोल्लुरु व्यंकटा सोमनाथा सर्मा (केव्हीसी) हे तेलंगणामधील नलसार राष्ट्रीय विधी विद्यापीठ येथे 20 वर्षांपासून वरिष्ठ प्राध्यापक म्हणून कार्यरत होते. तसेच ते कंझ्युमर आणि कॉम्पिटेशन लॉ विभागाचे प्रमुख म्हणून कार्यरत होते. त्याशिवाय कार्पोरेट आणि कमर्शियल लॉ विभागाचा अतिरिक्‍त कार्यभार देण्यात आला होता.

डॉ. सर्मा यांनी हैदराबाद येथील निझाम इन्स्टिट्यूट ऑफ मेडिकल सायन्स या रुग्णालयात विधीतज्ञ म्हणून काम केले आहे. कुलगुरुपदाचा कार्यभार स्वीकारताना प्रभारी कुलसचिव डॉ. अशोक वडजे यांची उपस्थिती होती. निवडीनंतर प्राध्यापक आणि कर्मचाऱ्यांनी त्यांचे स्वागत केले.