नांदेड : प्रादेशिक सहसंचालक (साखर) कार्यालयांतर्गत नांदेड विभागातील तेरा पैकी आठ कारखाने बंद झाले आहेत. विभागात आजपर्यंत २७ लाख ६७ हजार टन उसाचे गाळप झाले आहे. तर २९ लाख ७० हजार क्विंटल साखरेचे उत्पादन झाल्याची माहिती साखर सहसंचालक कार्यालयाच्या सुत्रांनी दिली.
विभागात तेरा कारखान्यांनी केले गाळप
नांदेड विभागात गाळप हंगाम २०१९ - २०२० मध्ये लातूर, परभणी, हिंगोली, नांदेड या चार जिल्ह्यांत ता. २६ नोव्हेंबर २०१९ रोजी गाळप सुरू झाले. विभागात पाच सहकारी, तर १२ खासगी, अशा १७ कारखान्यांनी राज्याच्या साखर आयुक्तांकडे गाळप परवान्यासाठी ऑनलाइन अर्ज केले होते. परंतु, त्यापैकी पाच सहकारी व आठ खासगी, अशा एकूण १३ कारखान्यांनी गाळप सुरू केले आहे, तर परभणीमधील रेणुका शुगर व महाराष्ट्र शेतकरी हे दोन कारखाने, लातूर जिल्ह्यातील साईबाबा व टेंव्टीवन या दोन, अशा एकूण चार खासगी कारखान्यांनी गाळप सुरू केले नव्हते.
हंगाम लवकरच आटोपणार
विभागात सर्वप्रथम ता. २६ नोव्हेंबर रोजी गाळप सुरू केलेल्या १३ कारखान्यांनी आजपर्यंत २७ लाख ६७ हजार ६४१ टन उसाचे गाळप केले आहे, तर साखरेचे उत्पादनही २९ लाख ६९ हजार ६८५ क्विंटल झाले आहे. विभागाचा सरासरी साखर उतारा १०.७३ टक्के आला आहे. सध्या सुरु असलेल्या पाच कारखान्यांचा गाळप हंगामही लवकरच आटोपणार असल्याचे संकेत आहेत. सध्या कोरोना विषाणूचा संसर्ग पाहता गाळप हंगाम लवकरच आटोपेल.
हेही वाचलेच पाहिजे....कसा आसेल महाराष्ट्रात बंद
बंद झालेले साखर कारखाने
त्रिधार शुगर व योगेश्वरी शुगर (परभणी), पूर्णा सहकारी, टोकाइ सहकारी व शिऊर लि. (हिंगोली), भाऊराव सहकारी युनीट क्र, चार, कुंटूरकर शुगर व व्यंकटेश्वरा ॲग्रो शुगर (नांदेड).
‘बळिराजा शुगर’ची गाळपात आघाडी कायम
नांदेड विभागात ऊस गाळप व साखर उत्पादनात परभणी जिल्ह्यातील बळिराजा शुगर हा खासगी कारखान्याने आघाडी घेतली आहे. या कारखान्याने गाळपातील आघाडी कायम ठेवत आजपर्यंत चार लाख आठ हजार ९१५ टन उसाचे गाळप केले आहे, तर साखरेचे उत्पादनही चार लाख ६७ हजार सातशे क्विंटल झाले आहे.
नांदेड विभागातील आजपर्यंतचे गाळप व साखर उत्पादन
(गाळप टनमध्ये, साखर उत्पादन क्विंटलमध्ये)
जिल्हा............ऊस गाळप.........साखर उत्पादन
परभणी..........६, १६, ४१४........६, ६८, ३६०
हिंगोली..........७, ६७, १०१........८, ३७, ८००
नांदेड............८, ११, ४१५........८, ६४, ८२५
लातूर............५, ७२, ७१०........५, ९९, ०००
एकूण..........२७, ६७, ६४१.......२९, ६९, ९८५
विभागाचा सरासरी साखर उतारा १०.७३ टक्के
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.