सेलू (जि. परभणी) : येथील स्टेट बँक ऑफ इंडिया शाखेत पीक कर्ज कमी मंजूर केल्याच्या रागात एका शेतकर्याने विषारी औषध प्रशासन करून आत्महत्येचा प्रयत्न केल्याने सेलूत एकच खळबळ उडाली आहे. ही घटना शुक्रवारी ( ता.०१ ) रोजी दुपारी एक वाजेच्या सुमारास घडली. या प्ररकणी सेलू पोलीस ठाण्यात संबंधित शेतकर्या विरुद्ध गुन्हा दाखल करण्यात आला आहे.
पोलीस सुञांनी दिलेल्या माहितीनुसार येथील फुलेनगरातील रहिवासी शेतकरी परसराम नारायण कावळे (वय ३५) यांनी दत्तक असलेल्या स्टेट बॅक ऑफ इंडिया शाखेत पीक कर्ज मिळावे यासाठी सर्व कागदपत्राची पुर्तता केली. पीक कर्ज मंजूर करावे यासाठी ते अनेक महिन्यापासून बॅकेत खेट्या मारत होते. अखेर बॅकेने एक लाख ४२ हजार रुपये ऐवजी बॅकेने ९६ हजार रूपये कर्ज मंजूर केले. त्यामुळे हवालदिल झालेल्या कावळे यांनी शुक्रवारी दुपारी बॅकेत जाऊन बॅक मॅनेजर यांच्याशी वाद घालून रागाच्या भरात खिशातील किटकनाशक प्रशासन केले. सदरील शेतकर्यास उपजिल्हा रुग्णालयात दाखल करण्यात आले.
माञ प्रकृती गंभीर असल्याने त्यांना परभणी येथे उपचारासाठी पाठवण्यात आले आहे. दरम्यान या प्रकरणी उशीरापर्यंत सेलू पोलीस ठाण्यात गुन्हा दाखल करण्याची प्रक्रिया सुरू होती. याप्रकरणी बॅक व्यवस्थापक अर्जुन पाटील यांच्या फिर्यादीवरून शेतकरी परसराम कावळे यांच्या विरुद्ध गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.