जालना : जिल्हा सामान्य रुग्णालयात भरती असलेल्या पाच जणांचा अहवाल शुक्रवारी (ता.एक) रात्री पॉसिटीव्ह आल्याने खळबळ उडाली आहे. यात राज्य राखीव दलातील तीन जवानांचा समावेश असून एक जण शहरातील चौधरी नगरमधील तर दुसरा व्यक्ती परतूर तालुक्यातील असल्याची माहिती जिल्हा शल्य चिकित्सक डॉ.मधुकर राठोड यांनी दिली आहे.

मराठवाड्याच्या इतर बातम्या वाचण्यासाठी - क्लिक करा

जिल्हा सामान्य रुग्णालयात सुरुवातीला बाधीत आढळून आलेल्या दोन्ही महिलाचे कोरोना अहवाल उपचारानंतर निगेटीव्ह प्राप्त झाले. त्यापैकी परतूर येथील महिलेला बुधवारी (ता.29) सुट्टी देण्यात आली. त्याच दिवशी सायंकाळी पारध( ता.भोकरदन) येथील एक 17 वर्षीय मुलगी कोरोना बाधित असल्याचा अहवाल जिल्हा सामान्य रुग्णालयाला प्राप्त झाला.

औरंगाबादच्या इतर बातम्या वाचण्यासाठी - क्लिक करा

त्यामुळे आरोग्य विभागाची झोप उडालेली असताना शुक्रवारी पुन्हा पाच जणांचे अहवाल पॉसिटिव्ह प्राप्त झाल्याने जिल्हा प्रशासन व आरोग्य विभागाला धक्का बसला आहे. या घटनेनंतर जिल्ह्यात शिथिल करण्यात आलेल लॉकडाऊन पुन्हा कडक होण्याची शक्यता आहे. सदर बाधीत रूग्ण ज्यांच्या संपर्कात आले त्यांचा आरोग्य विभागाच्या पथकाकडून शोध घेऊन त्यांचे नमुने तपासण्यात येणार आहे.

महाराष्ट्रातील इतर बातम्या बाचण्यासाठी - क्लिक करा