बिलोली (जिल्हा नांदेड) : मुखेड तालुक्यातील एका व्यक्तीला विश्‍वासात घेऊन त्याच्याकडून भारतीय चलनातील तिन लाख रुपये घेऊन त्याबदल्यात खेळणीतील (बच्चे कंपनी बँक) दहा लाख रुपयाच्या नोटा देऊन फसवणुक केली. या प्रकरणी तेलंगणातील दोन भामट्यांना अटक केली. या दोन्ही भामट्यांना बिलोली पोलिसांनी न्यायालयासमोर हजर केले असता न्यायाधीश पत्की यांनी ता. १३ जानेवारीपर्यंत पोलिस कोठडीत पाठविले आहे. ही कारवाई स्थानिक गुन्हे शाखेच्या पथकानी शुक्रवारी (ता. १०) जानेवारीच्या केली. 

बिलोलीच्या नविन बसस्थानक परिसरात तेलंगणा राज्यातील निजामाबाद येथील शेख खैसर शेख हैदर (वय ४७) आणि शेख नदीम शेख मन्नान (वय ४७) हे दोघेजण राहत होते. ते काही दिवासांपासून ते पोट भरण्यासाठी मिळेल ते काम करीत होते. परंतु त्यांनी उमरदरी (ता. मुखेड) येथील शिवलिंग बाबाराव गोंगे या लहान व्यापाऱ्याची मैत्री केली. त्यातून त्यांनी संगनमत करून शिवलिंग गोंगे यांना आम्ही नोटा बदली करून देण्याचे काम करतो. तुम्हाला पाहिजे असतील व कोणाला काही सांगणार नसाल तर आम्ही तुम्हाला ती मदत करतो. यासाठी तुम्ही तिन लाख रुपये द्या. त्या तिन लाखांच्या बदल्यात दहा लाख रुपये देतो. असे सांगून या दोघांनी त्यांच्याकडून तिन लाख रुपये घेण्याचे ठरले. परंतु चलाख असलेल्या गोंगे यांनी बिलोली पोलिसांनी ही माहिती दिली. 

हेही वाचा - कर्जमाफीमुळे शेतकरी संतप्त : कसे ते वाचलेच पाहिजे

बिलोली व स्थागुनशाची कारवाई 

दिलेल्या माहितीवरून बिलोली पोलिस व स्थानकि गुन्हे शाखेच्या पथकानी बिलोली बस्स्थानक परिसरात शुक्रवारी (ता. १०) सापळा लावला. तिन लाख रुपये देण्यासाठी श्री. गोंगे हा पोलिसांच्या इशाऱ्यावरून त्यांच्याकडे गेला. या दोन्ही भामट्यांना तिन लाखाच्या मोबदल्यात खळणीतील नोटा देताना रंगेहात अटक केली. त्यांच्याकडून खेळणीतील (लहान मुलांची बँक) नऊ लाख ७० हजार रुपये (ज्यात पाचशे रुपयांचे वीस बंडल आणि चलनातील पाचशेच्या पाच नोटा ) जप्त केल्या. यानंतर शिवलिंग गोंगे यांनी फसवणूक झाल्याची झाल्याच फिर्याद दिली. बिलोली पोलिस ठाण्याचे पोलिस निरीक्षक शिवाजी डोईफोडे यांनी या प्रकरणात गुन्हा दाखल केला. या दोनाही भामट्यांनी केलेल्या गुन्ह्याची कबूली पोलिसांना दिली. 

येथे क्लिक करा - Photos : ‘श्रद्धा’ची श्रद्धा आली फळाला...कोण आहे श्रद्धा वाचा सविस्तर

सोमवारपर्यंत पोलिस कोठडी 

पोलसांनी या भामट्यांकडून शिवलिंगला देण्यासाठी आलेल्या खेळण्यातील नोटासुद्धा जप्त केल्या आहेत. बिलोली पोलीस ठाण्यात याप्रकरणी फसवणूकीसह आदी कलमान्वये गुन्हा दाखल करून तपास सहाय्यक पोलीस निरीक्षक राम केंद्रे यांच्याकडे देण्यात आला. राम केंद्रे यांनी शेख नदीम आणि शेख कैसरला शुक्रवारी (ता. १०) बिलोली न्यायालयात हजर करून पोलीस कोठडीची मागणी केली. न्या. पत्की यांनी सोमवार (ता. १३) जानेवारीपर्यंत त्यास पोलिस कोठडीत पाठविले.