भोकरदन (जि. जालना) - सहलीला जाण्यासाठी उशीर होईल या घाईगडबडीत अंघोळीसाठी बाथरूममध्ये जात असलेल्या नऊवर्षीय मुलीचा पाय घसरून दुर्दैवी मृत्यू झाला. ही घटना गुरुवारी (ता. 23) सकाळी पाच वाजेच्या सुमारास घडली. गोपिका बालाजी कऱ्हाळे (वय नऊ) असे मुलीचे नाव आहे.
मिळालेल्या माहितीनुसार शहरातील माळी गल्ली भागात राहणाऱ्या बालाजी कऱ्हाळे यांची गोपिका नावाची नऊ वर्षांची मुलगी येथील जिल्हा परिषद प्राथमिक शाळेत तिसरीच्या वर्गात शिक्षण घेत होती. या शाळेची गुरुवारी (ता. 23) सहल जाणार होती.
हेही वाचा : पशुंच्या जगातून बाळ माणसांच्या दुनियेत...
त्यामुळे गुरुवारी ठरल्याप्रमाणे वार्षिक सहल पहाटे सहा वाजण्याच्या सुमारास निघणार असल्यामुळे गोपिका ही तयार होण्यासाठी उठली, सहलीला उशीर होईल या घाईगडबडीत ती अंघोळीसाठी घरासमोरील बाथरूममध्ये जात असताना अचानक तिचा पाय घसरला व समोरून तोंडावर पडली. या घटनेत तिला जबर मार लागल्याने तिला तत्काळ उपचारासाठी भोकरदन ग्रामीण रुग्णालयात हलविले. येथून, तिला जालना येथे उपचारासाठी घेऊन जात असताना रस्त्यातच तिचा मृत्यू झाला.
हेही वाचा : वयोवृद्ध जन्मदात्यांवर लेकाचे कुऱ्हाडीने वार
या घटनेने शहरात सर्वत्र शोककळा पसरली आहे. दरम्यान, शहरातील केळणा नदीकाठी गोपिका हिच्यावर दुपारी बारा वाजता अंत्यसंस्कार करण्यात आले. यादरम्यान उपस्थितांना अश्रू अनावर झाले होते. गोपिका हिच्या पश्चात आई, वडील, दोन बहिणी, एक भाऊ असा परिवार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.