गेवराई (जि.बीड) : अभ्यासाचा ताण येत असल्याने, सोमवारी (ता. सोळा) रोजी पहाटे घरातून निघून गेलेल्या मुलीचा मृतदेह बुधवारी (ता. १८) रोजी सकाळी एका विहिरीत आढळून आल्याने खळबळ उडाली आहे. जिल्हा परिषदचे शिक्षक कल्याण पारेकर यांची मुलगी सायली कल्याण पारेकर (वय १७, रा.गणेश नगर), सोमवारी पहाटे घरातून निघून गेली होती. घरातून बाहेर पडताना, सायलीने मी मरतीय, माझा शोध घेऊ नका व कोणालाच जबाबदार धरू नका, अशी नोट लिहून ठेवली होती.
तिच्या वडलांनी मित्र, नातेवाईक, आप्तेष्टांनी मुलीचा शोध घेण्याचा प्रयत्न केला. मंगळवारी पोलीस ठाण्यात सायली बेपत्ता असल्याची तक्रार दाखल करण्यात आली होती. पोलीसांनीही तिचा शोध घेतला, मात्र उपयोग झाला नाही. शहरातील सीसीटीव्ही कॅमेरे तपासण्यात आले होते. बुधवार (ता. १८) पहाटे वाँक साठी जाणाऱ्या नागरीकांना तीचा मृतदेह शहरापासून जवळच असलेल्या गोविंदवाडी शिवारातील एका विहिरीत आढळून आला. सदरील, घटनेने हळहळ व्यक्त केली जात आहे. उपनिरीक्षक युवराज टाकसाळ यांनी घटनास्थळी भेट देऊन पंचनामा केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.