जालना - जिल्ह्याच्या सीमा बंद करण्यात आल्या असताना कोल्हापूर जिल्हयात ऊसतोडणीसाठी गेलेले ३५ ऊसतोड मजूर शनिवारी (ता.२८) जालना जिल्ह्यात परतले. सीमाभागावर चेक पोस्टवर तैनात पोलिसांनी त्यांना अडवून जिल्हा सामान्य रुग्णालयात पाठवले. दरम्यान, सर्वांची तपासणी करण्यात आली असून त्यांच्यात कोणतीही लक्षणे दिसून आली नाही.
हेही वाचा : चाळीस किलोमीटर पायपीट करून गाठले बदनापूर
कोल्हापुर जिल्ह्यात एक कोरोनाबाधित रुग्ण आढळून आला आहे. त्यामुळे भयभीत झालेल्या ऊसतोड कामगारांनी शुक्रवारी (ता.२७) रात्रींतूनच आपल्या मुलांबाळासोबत एका ट्रक मधून जालना जिल्ह्याची सीमा गाठली. शनिवारी या सर्वांना जिल्ह्याच्या सीमेवर अडवण्यात आले.
हेही वाचा : जालन्याच्या इतिहासात प्रथमच स्टील उद्योग बंद
तपासणीसाठी त्यांना थेट जिल्हा सामान्य रुग्णालयात आणण्यात आले. दरम्यान डॉक्टरांनी केलेल्या तपासणीत कुणालाही कोरोना विषाणूची लक्षणे दिसून आली नाहीत. त्यांना अलगीकरण करून राहण्याचे सांगण्यात आले आले आहे.
सीमा बंदी असताना ऊसतोड कामगारांना घेऊन आलेल्या वाहन चालकाची जाताना मोठी पंचाईत झाली आहे. जिल्हाधिकाऱ्यांनी अत्यावश्यक सेवा देणाऱ्या वाहनांनाच इंधन देण्याचे आदेश दिले आहे . त्यामुळे परत कोल्हापूरकडे जायचे कसे ? असा प्रश्न वाहन चालकाला पडला आहे . तसेच सीमा बंदी केल्यामुळे पोलिसही जागोजागी अडवणार असल्याने मोठा पेच निर्माण झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.