अंकुशनगर (जालना) : अंबड तालुक्यातील वाळकेश्वर येथील मुरुमाच्या खदानीत शनिवारी (ता.२४) दुपारी साडेचार वाजता पोहण्यासाठी उतरलेल्या लहान बहिणभावाचा बुडून मृत्यू झाला. आदित्य संदीप उनवणे (वय ११) व आदिती संदीप उनवणे (वय ९) असे त्यांचे नाव आहे. 

मराठवाड्यातील अन्य बातम्या वाचण्यासाठी यावर क्लिक करा..!

गेवराई तालुक्यातील सुरळेगाव येथील संदीप उनवणे यांच्यासह कुटुंब सालगडी म्हणून वाळकेश्‍वर परिसरात काम करते. दरम्यान, शनिवारी आई व वडील शेतात कामासाठी गेलेले होते. तेव्हा शेताजवळ असलेल्या मुरुमाच्या खदानीत पोहण्यासाठी आदित्य, आदितीसह तिची लहान बहीण गेले. तेव्हा खदानीत उतरलेले आदित्य व आदिती दोघेही पाण्यात बुडाले.

औरंगाबाद जिल्ह्यातील महत्त्वाच्या बातम्या वाचण्यासाठी येथे क्लिक करा.

हे पाहून वर थांबलेल्या छोट्या बहिणीने आरडाओरडा केला. त्यानंतर शेतकरी व ग्रामस्थांनी घटनास्थळी धाव घेतली. दोघा बहिणभावांना बाहेर काढले, दवाखान्यात हलविले. तिथे डॉक्टरांनी तपासून त्यांना मृत घोषित केले. दरम्यान, दोघांना अंत्यसंस्कारासाठी सुरळेगावला नेण्यात आल्याचे सूत्रांनी सांगितले. दरम्यान, शहागड पोलिसांनी घटनास्थळी भेट देत पाहणी केली. तसेच याप्रकरणी अकस्मात मृत्यूची नोंद घेण्यात आली आहे. 

देशभरातील महत्त्वाच्या बातम्या वाचण्यासाठी येथे क्लिक करा.

(संपादन-प्रताप अवचार)