जळकोट (जि.लातूर) : रावणकोळा तांडा (ता.जळकोट) येथे पतीने पत्नीचा साडीने गळा आवळून खुन केल्याची घटना रविवारी (ता.सहा) दुपारी दोन वाजण्याच्या सुमारास घडली. पोलिस उपनिरीक्षक विश्वनाथ बोईनवाड यांच्या फिर्यादीवरुन पतीवर सोमवारी (ता.सात) रात्री नऊ वाजता खुनाचा गुन्हा दाखल करण्यात आला आहे.
याबाबत अधिक माहिती अशी की, नावंदी तांडा (ता.उदगीर) येथील रेखा हिचा विवाह दोन महिन्यांपूर्वी बालाजी परशुराम चव्हाण (वय२२, रा.रावणकोळा तांडा, ता.जळकोट) यांच्याशी झाला होता. बालाजी याने रविवारी रोजी दुपारी दोन वाजता रेखा हिचा राहत्या घरातच गळा आवळून खुन केला. सदरील घटनेची माहिती गावातील एका व्यक्तीने रेखा हिच्या नावंदी तांडा येथील माहेरच्या मंडळींना दूरध्वनीवरुन दिली.
मुलीच्या माहेरून शंभर जणांचा ताफा आरोपीच्या गावी पोचला होता. आरोपी खुन करून फरार झाल्याने मुलीच्या कुटुंबानी घराची तोडफोड केली. घटनेची माहिती मिळताच पोलिस निरीक्षक गणेश सोंडारे यांच्यासह साठ जणांचा पोलिस फाटा घटनास्थळी पोचला. पोलिसांनी मुलीच्या कुंटुबाची समजूत काढण्याचा प्रयत्न केला, पंरतू कोणीही ऐकुन घेत नव्हते.
मुलीच्या कुंटुबाकडून आरोपीला अटक करुन मृतदेहावर अंत्यसंस्कार करा असा आग्रह पोलिसाकडे धरला होता. पोलिसांनी आरोपीचा शोध घेऊन अटक करुन पोलिस कोठडीत टाकले. रविवारी रोजी रात्री बारा वाजता रेखा परशुराम चव्हाण (वय १९) हिचा मृतदेह शवविच्छेदनासाठी जळकोट येथील ग्रामीण रूग्णालयात आणण्यात आला होता. सोमवारी (ता.सात) रोजी रात्री ९ वाजता पतीवर खुनाचा गुन्हा नोंद केल्यानंतर रेखावर अंत्यसंस्कार करण्यात आला. चाकुरचे उपविभागीय पोलिस अधिकारी विद्यानंद काळे यांनी घटनास्थळी भेट देऊन पाहणी केली. पुढील तपास पोलिस निरीक्षक गणेश सोंडारे हे करीत आहेत.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.