जालना : कोरोना विषाणू संसर्गाची साखळी रोखण्यासाठी जिल्हा प्रशासन व आरोग्य विभागाकडून विविध उपाययोजना करण्यात येत असल्या तरीही जालना शहरासह ग्रामीण भागात कोरोनाचे संक्रमण वाढत आहे. मंगळवारी ३१ रूग्णांची भर पडल्यानंतर बुधवारी (ता. एक) सकाळी २७ संशयितांचे अहवाल पॉझिटीव्ह आले आहे. यात २१ रूग्ण हे जालना शहरातील विविध भागातील असल्याची माहिती आरोग्य विभागाने दिली आहे.
जालना शहरात कोरोना बाधित रूग्णांची संख्या झपाट्याने वाढत आहे. त्यामुळे नवीन व जुन्या जालन्याला जोडणारे सर्व पुलावरून वाहतुक बंद करण्यात आली आहे. मात्र, तरिसुद्धा गेल्या आठवड्यापासून जालना शहरात कोरोनाचे संक्रमण थांबत नसल्याचे चित्र आहे. कोरोनाबाधित व्यक्तींच्या संपर्कात आलेल्या ८३ संशयितांताचे स्‍वॅब नमुने तपासणीसाठी पाठविण्यात आले होते. त्यापैकी ७४ जणांचा अहवाल प्राप्त झाला. यामध्ये २७ जणांचा अहवाल पॉझिटीव्ह आले आहेत. यातील २१ जण हे शहरातील विविध भागातील आहे.
या भागातील रुग्णांचा समावेश
बाधित रूग्णांमध्ये जालना शहरातील बुऱ्हाण नगरमधील तीन, कसबा परिसर, गुरू गोवानगर भागातील प्रत्येकी दोन, संभाजी नगर, जेपीसी बॅंक कॉलनी, कन्हैय्या नगर, औद्योगिक वसाहत, बालाजी नगर, महावीर चौक, साईनगर, दानाबाजार, काद्राबाद, तट्टूपुरा, निवांत हॉटेल परिसर, विकास नगर, कालिकुर्ती, नरीमन नगर, नेहरू रोड व अंबर हॉटेल परिसरातील प्रत्येकी एक, तर अंबड तालुक्यातील एकलहेरा, रोहिलागड येथील प्रत्येकी एक, बुलढाणा जिल्ह्यातील देऊळगाव राजा येथील एक आणि भोकरदन येथील दोघांचा पॉझिटीव्ह रूग्णांमध्ये समावेश आहे.
जालना कोरोना मीटर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.