जालना : महाकवी, आधुनिक गीतरामायणाचे जनक ग.दि. माडगूळकर यांचे पुणे येथे स्मारक उभारणीचे काम अर्धवट अवस्थेत आहे. सदर काम लवकर पूर्ण व्हावे, यासाठी राज्यभर सोमवारी ( ता.१४ ) आंदोलन करण्यात येत आहे. जालन्यात चित्र-शिल्प, कविता गीतगायनाने अनोखे आंदोलन करण्यात येत आहे.
जुना जालना गांधी चमन येथे सकाळी दहा वाजता गदिमांच्या प्रतिमेस पुष्पहार अर्पण करून आंदोलनास सुरुवात झाली. या वेळी आंदोलनाचे जिल्हा समन्वयक अरुण घोडे, मसाप जालना शाखेचे अध्यक्ष प्रा.रमेश भूतेकर, डाॅ.सुहास सदाव्रते,चित्रकार संतोष जोशी,चित्रकार मुकुंद दुसे, रामदास कुलकर्णी यांची उपस्थिती होती.
पुणे येथे गदिमांच्या स्मारकाच्या कामात दूर्लक्ष होत आहे.चार दशकांपासून प्रश्न प्रलंबित आहे. स्मारकाचे काम तातडीने सुरु व्हावे यासाठी राज्यभर आंदोलन पुकारण्यात आले आहे.गदिमा यांच्या स्मृतिदिना निमित्त सोमवारी (ता.१४ ) जालन्यात सुरुवात झाली.
चित्रकार संजय बोधेकर यांनी सहभाग घेत गदिमाचे शिल्प साकारले आहे. चित्रकार मुकुंद दुसे यांनी ग.दि.माडगूळकर यांचे अप्रतिम चित्र रेखाटले आहे.
चित्रकार संतोष जोशी,चित्रकार गंगाधर जोशी यांनी चित्र रेखाटत आंदोलनात सहभाग घेतला आहे.
कवी कथाकार डाॅ.प्रभाकर शेळके हे गदिमाच्या कविता सादर करणार आहे. जालन्यातील अनेक कलावंत सहभागी होऊन आपली कला सादर करीत आहेत. यात गदिमा यांचे पोर्ट्रेट सोलाट यांनी रेखाटले. शिल्पकार संजय गोधेकर,मुकुंद दुसे,संतोष जोशी , गणेश पारे, गंगाधर जोशी, बालकलाकार चि. वैद्य व कु. पायल, दिनेश संन्यासी हे गदिमा यांची गीते सादर करणार आहेत. साहित्यिक चित्रकार अरूण घोडे, डॉ. प्रभाकर शेळके, सुहास पोतदार, संतोष जोशी, मुकुंद दुसेसह कवी गदिमा यांच्या कवितांचे वाचन करणार आहेत.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.