नांदेड : समाजातील अगदी तळागाळातील लोकांना न्याय मिळावा हे उद्दीष्ट डोळयासमोर ठेवून सर्वोच्च न्यायालय यांच्या ‘न्याय आपल्या दारी’ या संकल्पनेतून सुरू केलेल्या फिरते लोक अदालत व कायदेविषयक शिबीरासाठी न्याय आपल्या दारी हा न्याय रथ रवाना करण्यात आला. जिल्ह्यात सोमवारी (ता. दोन) ते ता. २३ मार्च या कालावधीत जिल्हाभरातील काही निवडक गावात हा न्याय रथ जावून प्रलंबीत प्रकरणाचा निकाल लावल्या जाणार आहे. या रथाला प्रमुख जिल्हा न्यायाधीश दीपक धोळकिया यांनी हिरवी झेंडी दाखविली. 
 
सोमवारी (ता. दोन) मार्च रोजी सकाळी साडेदहा वाजता जिल्हा व सत्र न्यायालयाचे प्रमख जिल्हा न्यायाधीश दीपक धोळकिया यांच्या शुभहस्ते फिरते लोक अदालत व कायदेविषयक शिबीर वाहनाचे उद्घाटन करण्यात आले.

हेही वाचा - धुळीवंदनासाठी ‘हा’ वृक्ष सज्ज

यांची होती उपस्थिती 

यावेळी सेवानिवृत्त जिल्हा न्यायाधीश कमल वडगावकर, जिल्हा विधी सेवा प्राधीकरणचे सचीव तथा न्यायाधीश आर. एस. रोटेे व जिल्हा न्यायालयातील सर्व न्यायिक अधिकारी उपस्थित होते. तसेच जिल्हा अभिवक्ता संघाचे अध्यक्ष मिलींद लाठकर, जिल्हा सरकारी वकिल आशिष गोधमगावकर, फिरते लोक न्यायालय मोबाईल व्हॅनचे वाहन चालक के. एल. देशमुख, जिल्हा विधी सेवा प्राधिकरणचे कर्मचारी, तसेच विधी महाविद्यालयाचे विद्यार्थी यावेळी उपस्थित होते.

कायदेविषयक शिबीराद्वारे जनजागृती केली जाणार

सोमवारी (ता. दोन) ते ता. २३ मार्च या कालावधीत सदर वाहन हे नांदेड जिल्हयातील सर्व तालुक्यात नियोजीत गावात फिरून न्यायालयात प्रलंबित असलेले दिवाणी व फौजदारी प्रकरणे सदर लोक अदालतीत तडजोडीने निकाली काढण्याचा प्रयत्न करण्यात येणार आहे. त्याचबरोबर कायदेविषयक शिबीराद्वारे जनजागृती केली जाणार आहे. 

येथे क्लिक करा - गोळीबारप्रकरणी खुनाचा गुन्हा दाखल

प्रलंबीत प्रकरणे निकाली काढण्याचा प्रयत्न

या मोबाईल व्हॅनला प्रमुख जिल्हा न्यायाधीश दिपक धोळकिया व उपस्थित मान्यवरांनी हिरवी झेंडी दाखवून लोहा तालूक्याकडे रवाना करताना त्यांनी फिरते लोक न्यायालयाचा कार्यक्रम यशस्वी होण्यासाठी शुभेच्छा दिल्या. व फिरते लोक अदालतीत जास्तीत जास्त प्रकरणे निकाली काढण्याचा प्रयत्न केला जाईल असा विश्वास न्यायाधीश आर. एस. रोटे यांनी व्यक्त केला.