कळंब (उस्मानाबाद): लातूर- कळंब हा अत्यंत रहदारीचा असलेल्या रस्त्याचे काम मागील तीन वर्षांपासून कासवगतीने सुरू आहे. यात संबंधित बांधकाम विभाग व कंत्राटदारांच्या नियोजन शून्यतेमुळे जागोजागी रस्ता खोदून मुरूम मिश्रित माती टाकण्यात आली आहे. विशेषतः या मार्गावरील डिकसळ ते कोथळा रस्त्याची अक्षरशः दुर्दशा झाली आहे. रस्त्यावर चिखल झाल्याने प्रवास करणे धोक्याचे बनले आहे.
लातूर ते कळंब मार्गावरील डिकसळ ते कोथल्यादरम्यान, रस्त्यावर सर्वत्र चिखल झाला आहे. जागोजागी रस्त्याचे खोदकाम करून मुरूम मिश्रित माती टाकल्याने रस्त्यावर चिखल झाल्याचे सांगण्यात येत आहे. विशेषतः १० किलोमीटर अंतराचा हा रस्ता असल्याने वाहनधारकांना कसरत करावी लागत आहे.
रस्त्याची कामे करताना एका बाजूचे काम करून दुसरी बाजू वाहतुकीला सुरळीत ठेवणे अपेक्षित असते. परंतु, बांधकाम विभागाच्या ढिसाळ नियोजनामुळे या मार्गावरून प्रवास करणाऱ्या हजारो नागरिकांना अनेक अडचणींचा सामना करावा लागत आहे. सध्या या रस्त्यावरून रोज अनेक दुचाकीस्वार घसरून किरकोळ जखमी होत आहेत. तर चारचाकी वाहने रस्त्याच्या कडेला असलेल्या खड्ड्यात जात आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.