चाकूर (जि.लातूर) : येथील पोलिस नाईक निशीधन माणिकराव शिंदे (वय ३६) यांचे कोरोनामुळे गुरूवारी (ता.एक) पहाटे लातूर येथील खासगी रुग्णालयात निधन झाले आहे. त्यांच्या निधनामुळे हळहळ व्यक्त केली जात आहे. पोलिस नाईक निशीधन शिंदे हे शिरूर अनंतपाळ पोलिस ठाण्यात कार्यरत होते. त्यांना कोरोनाची लागण झाल्यामुळे लातूर येथील खासगी रुग्णालयात त्यांच्यावर उपचार सुरु होते. पोलिस दलात भरती होण्याची त्यांची इच्छा होती. मेहनतीच्या जोरावर २००६ साली त्यांनी पोलीस दलात नोकरी मिळवली.
सुरूवातीला लातूर येथील शिवाजीनगर पोलिस ठाण्यात काही वर्षे नोकरी झाल्यानंतर शिरूर अनंतपाळ येथे बदली झाली होती. कोरोनाचा संकट काळात महत्त्वाची भूमिका बजावित असताना त्यांना फेब्रुवारी महिन्यात कोरोना झाला होता. त्यातून ते बरे झाले होते. त्यानंतर मार्च महिन्यात पुन्हा त्यांना कोरोनाने गाठले. गुरूवारी पहाटे उपचारादरम्यान त्यांची प्राणज्योत मावळली. लातूर येथे त्यांच्यावर अंत्यसंस्कार करण्यात आले. त्यांच्या पश्चात पत्नी, एक मुलगा, आई, तीन भाऊ असा परिवार आहे. पोलिस दलासह मित्र परिवारांच्या वतीने त्यांना श्रध्दांजली अर्पण करण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.