हिंगोली : शहरातील विविध प्रमुख रस्त्यांवर अनेक व्यावसायिकांनी अतिक्रमण केल्यामुळे रहदारीस अडथळा निर्माण होत होता. त्यामुळे सदर अतिक्रमण तात्काळ काढून घेण्याच्या सूचना मुख्याधिकारी डॉ.अजय कुरवाडे यांनी दिल्या होत्या. त्यानुसार १२ फेब्रुवारीला नगर परिषदतर्फे धडक मोहीम राबवून अतिक्रमण हटविण्यास सुरुवात होताच अतिक्रमण धारकांची धावपळ सुरू झाली.

ताज्या बातम्यांसाठी डाऊनलोड करा ई-सकाळचे ऍप 

हिंगोली शहरातील नवीन रस्ते अरूंद झाले असले तरी प्रमुख रस्त्यांसह इतर ठिकाणी व्यावसायिकांनी अतिक्रमण केल्याने पुन्हा हे रस्ते वाहतुकीकरीता अडचणकारक ठरत होते. दिवसेंदिवस रस्त्यांवर अतिक्रमण करण्यात येत असल्याने मध्यंतरी नगर परिषदेच्यावतीने ध्वनीक्षेपकाद्वारे ज्या-ज्या व्यावसायिकांनी अतिक्रमण केले आहे. अशांनी तत्काळ काढून घ्यावे अन्यथा कारवाई केली जाईल, असा इशारा दिला होता. त्यानुसार काही व्यावसायिकांनी आपले अतिक्रमण हटविले. परंतु बहुतांशी व्यापाऱ्यांनी अतिक्रमण हटविले नसल्याने १२ फेब्रुवारीपासून सलग दोन दिवस ही मोहीम राबविण्यात आली. यात अग्रसेन चौक ते जिल्हाधिकारी कार्यालय, देवडानगर ते आझम काँलनी, गांधी चौकात अतिक्रमण हटाव मोहीम सुरू केली. 

कृषिपंप ग्राहकांनी चालू वर्षाचा वीज  भरणा न केल्यास वीज पुरवठा होणार खंडित

यावेळी मुख्याधिकारी डॉ.अजय कुरवाडे, उप मुख्याधिकारी उमेश हेंबाडे, नगर अभियंता रत्नाकर अडशिरे, शाम माळवटकर, बाळू बांगर, देवीसिंग ठाकूर आदींच्या पथकाने ही मोहीम राबविली आहे. काही जणांचे अतिक्रमण जेसीबीच्या माध्यमातून हटविण्यात आले. तर काही जणांनी अतिक्रमण काढणे सुरू केल्याने शहरात अतिक्रमण धारकांची धावपळ सुरू होती.