लातूर : लग्न जुळले की देवाणी-घेवाणीची बोलणी होतात. लग्न लावून द्या, नातेवाइकांना आहेर करा, मुलाच्या अंगावर एवढे सोने घाला आदी मागण्या होतात. त्यात मुलगा जास्त शिकलेला, परदेशात राहत असेल तर अपेक्षा वाढतात, पर्यायाने मागण्यांची यादी वाढत जाते.

लातूरमधील एका शेतकऱ्याने आपल्या उच्चशिक्षित, परदेशात असलेल्या मुलाच्या लग्नात एकही मागणी वधुपित्याकडे केली नाही. इतकेच नव्हे, तर लग्नसोहळ्याला लागणाऱ्या रकमेतून त्यांनी शहरातील पाच शाळांतील तब्बल 533 अंध-अपंग विद्यार्थ्यांना गणवेश दिले. त्यानंतर लग्नसोहळा साजरा केला. तोही गाजावाजा न करता, साधेपणाने. या ग्नसोहळ्याचे लातूरकरांकडून सध्या कौतुक होत आहे. 

सामाजिक भान जपणारा सोहळा
सामाजिक भान व्यक्त करणारा हा आगळा-वेगळा विवाह सोहळा शहरात नुकताच झाला. यासाठी शेतकरी सुधाकर तुळशीराम तपसाळे (वरपिता) यांनी पुढाकार घेतला होता. तपसाळे यांचा मुलगा तेजस याचे शालेय शिक्षण लातूरमध्ये झाले. त्याला शिष्यवृत्ती मिळाली. त्यामुळे त्याला अमेरिकेत उच्चशिक्षण घेता आले. सध्या तो तिथेच नोकरी करीत-करीत पीएच.डी. पूर्ण करीत आहे. त्यांचा विवाह नांदेड जिल्ह्यातील डॉ. रोहिणी गोविंदराव बेलकर यांच्याशी जुळला.

स्कॉर्पियोमध्ये आढळला रक्ताळलेला मृतदेह 

मसापचे लातूर शाखेला बळ 

साधेपणाने लग्न

लग्न अत्यंत साधेपणाने करण्याचा, नातेवाइकांना आहेर न करता सामाजिक संस्थांना मदत करण्याचा निर्णय घेण्यात आला. सुधाकर तपसाळे यांच्या या निर्णयाला डॉ. रोहिणी यांच्या कुटुंबीयांनीही पाठिंबा दिला. त्यानुसार शहरातील एमआयडीसी भागातील मतिमंद शाळेतील 125, मूकबधिर मुलांच्या शाळेतील 160, संवेदना संस्थेतील 67, सुशीलादेवी मूकबधिर मुलींच्या शाळेतील 136, बुधोडा येथील स्वाधार अंध-अपंग पुनर्वसन केंद्रातील 45 अशा 533 विद्यार्थ्यांना गणवेश देऊन एक आदर्श उदाहरण निर्माण केले. 
एकीचे दोघांसोबत संबंध जीव गेला तिसर्याचाच
कन्या ही पवित्र, महान 
मुलाच्या किंवा किंवा मुलीच्या लग्नासाठी अनेक शेतकरी कर्ज काढतात. प्रसंगी जमीन विकतात. असे काही न करता साधेपणाने, सामाजिक जाणीव ठेवून लग्नसोहळा साजरा करता येऊ शकतो, हे मनात बिंबले होते. त्यानुसार देवाण-घेवाण, अनावश्‍यक आहेर-उपचार, भेटवस्तू आदी साऱ्या रूढी-परंपरांना छेद देत गरजू मुलांपर्यंत मदत पोचविण्याचा निर्णय घेतला. कन्या ही दानाची वस्तू नसून पवित्र, महान आहे. त्यामुळे नारळ आणि मुलगी स्वीकारत साधेपणाने विवाह सोहळा केला. वधुपित्याकडून एक ग्रॅम सोनेही स्वीकारले नाही. जे आम्ही केले, ते इतरांनीही करण्याचा प्रयत्न करावा, असे नम्र आवाहन सुधाकर तपसाळे यांनी "सकाळ'शी बोलताना केले.