संभाजीनगर : केंद्रीय मंत्री भागवत कराड हे छत्रपती संभाजीनगर इथून लोकसभेची निवडणूक लढवण्याच इच्छुक आहेत. त्यासाठी शिवसेनेनं इथली जागा भाजपसाठी सोडावी अशी जाहीर मागणी देखील त्यांनी केली आहे. तसेच यासाठी भाजप सर्वच स्तरावर कामालाही लागला असल्याचं त्यांनी म्हटलं आहे. (Minister Bhagvat Karad interested to contest Lok Sabha Election from Chhatrapati Sambhajinagar)

शिवसेनेत फूट पडल्यानं ताकद घटली

छत्रपती संभाजीनगरच्या जागेवर दावा करताना शिवसेनेत फूट पडल्यानं इथं आता शिवसेनेची ताकद कमी झाली आहे, असा युक्तीवाद भागवत कराड यांनी माध्यमांशी बोलताना केला आहे. यावर अद्याप एकनाथ शिंदे यांच्या शिवसेनेकडून भूमिका स्पष्ट करण्यात आलेली नाही. (Latest Marathi News)

शिवसेनेनं भाजपसाठी जागा सोडावी

"संभाजीनगर शहर असेल किंवा ग्रामीण असेल इथली लोकसभेची जागा भाजपनं लढावी अशी सर्वांची इच्छा आहे. यासाठी भाजपच्या बुथ प्रमुखापासून लोकसभेच्या प्रभारीपर्यंत सर्वजण रात्रंदिवस काम करत आहेत.

शिवसेनेत फूट पडल्यामुळं शिवसेनेची ताकद नक्कीच कमी झाली आहे. तर भाजपची संघटनेच्या दृष्टीनं ताकद वाढली आहे. म्हणून भाजपला जागा मिळावी ही सर्वांची इच्छा आहे," असं भागवत कराड यांनी म्हटलं आहे. (Marathi Tajya Batmya)

संभाजीनगरमधून इच्छुक असल्याचं जाहीर

दरम्यान, छत्रपती संभाजीनगर इथून लोकसभेसाठी निवडणूक लढवण्यास भागवत कराड इच्छुक आहेत का? या प्रश्नावर त्यांनी होकारार्थी उत्तर दिलं आहे. "मी देखील या मतदारसंघातून इच्छुक उमेदवार आहे", अशा स्पष्ट शब्दांत भागवत कराड यांनी आपली इच्छा व्यक्त केली आहे.