file photo 
मराठवाडा

व्याकूळ मातेची मुलाशी घडविली भेट

गणेश पांडे

परभणी : पोटच्या गोळ्याला जुलाब होत असल्याने परभणीच्या जिल्हा रुग्णालयात दाखल केले होते. त्यास भेटण्यासाठी जाण्याची इच्छा असतानाही वाहन न मिळाल्याने व्याकूळ होऊन रडू कोसळलेल्या दैठणा येथील एका मातेला स्वतःच्या वाहनात बसवून जिल्हा रुग्णालयात आणून सोडण्याचे काम काँग्रेसच्या नेत्या प्रेरणा वरपुडकर यांनी केले. एवढेच नाही तर जिल्हा रुग्णालयातील डॉक्टरांना बाळाच्या आरोग्याची विचारपूस करून माणुसकीचे दर्शन घडविले.
कोरोनाच्या या संकटकाळात माणुसकीची अनेक उदाहरणे आपण दररोज अनुभवत आहोत. कलयुगात माणुसकीचा अंत होईल, असा दावा केला जात होता. परंतु, मानव जातीवरच संकट आले असतांना माणूस गप्प कसा बसेल. मंगळवारी (ता. २८) काँग्रेसच्या नेत्या प्रेरणा समशेर वरपुडकर या पाथरी विधानसभा मतदारसंघातील सर्व प्राथमिक आरोग्य केंद्र व रुग्णालयास भेटी देऊन तेथील आरोग्य यंत्रणेचा आढावा घेत होत्या. दुपारच्या वेळी दैठणा प्राथमिक आरोग्य केंद्रातील आढावा घेऊन त्या पुढे निघाल्या होत्या. 


स्वता:च्या वाहनातून सोडले महिलेला
त्याच वेळी रस्त्याने एक महिला रडत जात असल्याचे त्यांच्या निदर्शनास आले. त्यांनी तातडीने गाडी थांबवून सदर महिलेची विचारपूस केली. या महिलेने आपले बाळ आजारी असून त्याला परभणी येथे घेऊन जाण्यात आले आहे. रुग्णवाहिकेत बाळाची आजी आहे. परंतु, मला जाण्यासाठी वाहनच मिळत नाही, असे सांगून आश्रूला वाट मोकळी करून दिली. एका आईचे हृदय दुसरी आई ओळखणार नसेल तर ती आई कसली. प्रेरणा वरपुडकर यांनी पुढचा दौरा रद्द करून सदर महिलेस स्वतःच्या गाडीत बसविले व सरळ जिल्हा शासकीय रुग्णालयात आणून माय-लेकराची भेट करून दिली.


हेही वाचा - परभणी जिल्हा परिषदेने दिले तब्बल एक कोटी रुपये..! कशासाठी ते वाचा...
महिलेने मानले आभार
स्वतः मुलाची भेट घेऊन डॉक्टरांची चर्चा करून मुलाची काळजी घेण्याची विनंती केली. या अशा परिस्थितीत प्रेरणा वरपुडकर यांनी दाखविलेली तत्परता व माणुसकीमुळे सदर महिलेने त्यांचे हात जोडून आभार व्यक्त केले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

PhD Admission 2026: ‘पीएच.डी.’च्या ४४८ जागांसाठी १८०० अर्ज! २२, २३ नोव्हेंबरला ‘पेट’; तीनवेळा नजर हालली की आपोआप व्हाल ‘आऊट

7–8 Kg Ice Ball Falls in Mangle : ना पाऊस, ना गारपीट, तरीही आकाशातून कोसळला 8 किलोचा बर्फाचा गोळा; जमिनीत पडला 1 फूट खोल खड्डा, मोरणा नदीकाठी थरारक घटना

Agriculture Technology : आता रोबोट तोडणार केळीचे घड! वसंतराव नाईक मराठवाडा कृषी विद्यापीठातील शास्त्रज्ञांना पेटंट

Latest Marathi News Update : पंढरपूर विहीर दुर्घटनेत २ मृतदेह सापडले, बचावकार्य अजूनही सुरू

राघव चड्ढा यांच्यावर भाजपनं सोपवली मोठी जबाबदारी; निवडणुकीआधी घेतला महत्त्वाचा निर्णय

SCROLL FOR NEXT