केज (जि. बीड) - तालुक्‍यातील मस्साजोग येथून चार दिवसांपूर्वी बेपत्ता असलेल्या साधना फुलचंद देशमुख (वय 15) या मुलीचा मृतदेह मस्साजोग शिवारातील तलावात पाण्यावर तरंगताना आढळून आला आहे. यामुळे गावात एकच खळबळ उडाली आहे. 

मस्साजोग येथील साधना देशमुख ही चार दिवसांपूर्वी मैत्रिणीला भेटून अर्ध्या तासात परत येते, असे सांगून घरातून बाहेर गेली होती; मात्र ती घरी परत आली नव्हती. कुटुंबातील सदस्यांनी तिचा आसपास शोध घेतला असता; परंतु ती मिळून आली नव्हती.

हेही वाचा - बीड क्राईम-प्रतिकार करणाऱ्या मुलावर चोरट्याकडून चाकूचे सपासप वार

ही मुलगी भोळसर स्वभावाची होती. त्यामुळे तिच्या वडिलांनी मुलगी बेपत्ता झाल्याची माहिती दिल्यावरून केज पोलिस ठाण्यात गुन्हा दाखल झाला होता. दरम्यान, मंगळवारी सकाळी मस्साजोग शिवारातील मांजरसुंबा रस्त्याजवळील तलावात एका मुलीचा मृतदेह मंगळवारी (ता. 28) सकाळी आढळून आला.

हेही वाचा - बीड जिल्ह्यात परिवर्तन पतसंस्थेच्या दोन संचालकांना बेड्या

ती मुलगी काही दिवसांपूर्वी बेपत्ता असल्याची खात्री झाली. घटनेची माहिती मिळताच ग्रामस्थांनी घटनास्थळी धाव घेतली; मात्र त्या मुलीने आत्महत्या केली का घातपात झाला? याबाबत अधिकृत माहिती मिळू शकली नाही.