नळदुर्ग (उस्मानाबाद): येथील भुईकोट किल्ला तब्बल नऊ महिन्यांनंतर पर्यटकांच्या स्वागतासाठी सज्ज झाला आहे. पुरातत्त्व खात्याशी करार केलेल्या युनिटी मल्टिकॉन्स कंपनीने कोरोना संसर्गजन्य आजाराच्या पार्श्वभूमीवर पुरेशी काळजी घेण्याच्या उद्देशाने किल्ल्यात जागोजागी फलक लावले आहेत.
प्रवेशद्वारावर सॅनिटायझर टनेल उभे केले आहेत. शनिवारपासून (ता. १९) किल्ल्यात पर्यटकांना प्रवेश देण्यात येणार आहे. जिल्हाधिकारी कौस्तुभ दिवेगावकर यांनी गुरुवारी जिल्ह्यातील पर्यटन स्थळे खुली करण्याचे आदेश दिले.
दरम्यान, यंदा १४ ऑक्टोबरला अतिवृष्टीने पाणी महालावरील संरक्षक कठडे वाहून गेले होते. पुरातत्त्व खात्याचे सहसंचालक अजितकुमार खंदारे यांच्या पथकाने किल्ल्यातील नुकसानीची पाहणी करून शासनाकडे अहवाल सादर केला होता. मात्र, पुरातत्त्व खात्याने डागडुजी केली नाही. त्यामुळे युनिटी मल्टिकॉन्स कंपनीने या ठिकाणी स्वखर्चाने डागडुजी केली आहे. आता दीर्घ प्रतीक्षेनंतर हा किल्ला खुला होणार आहे.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.