नांदेड : राज्याचे लक्ष लागलेल्या नांदेड वाघाळा महानगरपालिकेत ४३ जागांवर विजय मिळवून काँग्रेसने पुन्हा सत्ता काबीज केली आहे. दुपारी २.३० वाजेपर्यंत जाहिर झालेल्या ४७ जागांपैकी ४४ जागा जिंकून काँग्रेसने स्पष्ट बहुमत मिळवले.  

प्रतिष्ठा पणाला लावलेल्या भाजपला केवळ तीन, तर शिवसेना व अपक्षाकडे प्रत्येकी एक जागा मिळाली आहे. राष्ट्रवादी काँग्रेस व एमआयएम पक्षाला खातेही उघडता आलेले नाही. तसेच आणखी १५ जागांवर काँग्रेस तर भाजप दोन व शिवसेना एका जागेवर आघाडीवर आहे. नांदेड वाघाळा महापालिकेच्या ८१ जागांसाठी बुधवारी (ता. ११) मतदान झाले. गुरुवारी (ता.१२) सकाळी १० वाजेपासून प्रत्यक्ष मतमोजणीला सुरुवात झाली. नांदेडकरांसोबतच संपूर्ण राज्याचे लक्ष निकालाकडे लागले होते. दुपारपर्यंतच्या जाहीर निकालावरून कँग्रेसला सत्तास्थापनेसाठी कोणाच्याही टेकुची गरज भासणार नाही, हे स्पष्ट होत आहे. 

केंद्रात, राज्यात भाजपची सत्ता असल्याने नांदेडची महापालिकाही आपल्याच ताब्यात
घेण्यासाठी भाजपने जोरदार तयारी केली होती. परंतु, त्यांचे नेतृत्व नांदेडकरांनी नाकारले आहे. दुपारी एक पर्यंत केवळ एका जागेवरच भाजपला समाधान मानावे लागले. कॉंग्रेसचे प्रदेशाध्यक्ष अशोकराव चव्हाण यांच्यावर केलेली वैयक्तिक टिका भाजपला भोवल्याचे बोलले जात आहे. भाजपने नांदेड ही निवडणुक प्रतिष्ठेची केली होती. मात्र, त्यांचाच या निवडणुकीत पुरता धुव्वा उडाला आहे.
 

'ई सकाळ'वरील इतर महत्त्वाच्या बातम्या :

• अतिरेक्यांचा कायमचा बंदोबस्त करा: शहीद जवानाच्या वडीलांची
• भावनादेशाला काम करणाऱ्या पंतप्रधानांची गरज : मायावती
• सुरवंटाचे फुलपाखरू बनताना अनुभवले
• सिंधुदुर्गच्या रुग्णांचा आधारवड कोलमडला
• एपीएमसीत पायाने होतात गाजरे साफ
• बैलगाडा शर्यतींना वेसण कायम 
• सणच बंद करण्याचे आदेश काढा - ठाकरे 
• मुख्यमंत्री फडणवीस स्वीडनच्या दौऱ्यावर