अहमदपूर (लातूर) : आई वडीलांचे छत्र हरवलेल्या नेत्रा सुबोध वाघमारे या विद्यार्थीनीने शालांन्त प्रमाणपत्र परीक्षेत उत्कृष्ट यश संपादन केले आहे. दहावीचा ऑनलाईन निकाल जाहीर झाला असून त्यामधे शहरातील नेत्रा सुबोध वाघमारे या विद्यार्थीनीने ९७.४० टक्के गुण मिळवून यश संपादन केले आहे.
सन २०१३ मधे जिल्हा परिषदेचे शिक्षक असलेले सुबोध वाघमारे हे आपल्या कुटुंबासह तिरूपती दर्शनाला जात असताना त्यांच्या गाडीला अपघात होऊन त्या मधे स्वतः, पत्नी व लहान मुलगा मयत झाला. तर नेत्रा वाघमारे ही जखमी झाली होती. त्या वेळी इयत्ता दुसरीत शिक्षण घेत असलेली नेत्रा ही पुढे आजोळी आजी आजोबाकडे शिक्षणासाठी राहीली. आई वडीलांचे छत्र हरवलेल्या नेत्राने आलेल्या दुखाला दोन हात करून इयत्ता दहावी परीक्षेत यश संपादन केले. या यशाचे श्रेय ती आजी आजोबांना देत आहे.
माझ्या सारखे आई वडीलांचे छत्र हरवलेल्या विद्यार्थ्यांनी खचून जाऊ नये .विद्यार्थ्यांना जिद्द, चिकाटी व अभ्यासात सातत्याने यश मिळते. शिक्षणाकडे लक्ष देऊन मोठा अधिकारी होण्याची तयारी ठेवावी. जेणे करून आपल्या आई वडीलांचे स्वप्नं साकार होतील.
नेत्रा वाघमारे, अहमदपूर.
Edited By pratap Awachar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.