कळंब : तालुक्यातील चोराखळी येथील देवस्थान जमिनीमधील मुरुमाची रॉयल्टी भरून न घेता वाहतुकीची परवानगी देण्यासाठी ४ हजार रुपयाची लाच स्वीकारताना तालुक्यातील येरमाळा येथील मंडळ अधिकारी देवानंद मरगु कांबळे याना लाचलुचपत प्रतिबंधक विभागाने रंगेहाथ पकडले.

ही कारवाही धाराशिव तहसील कार्यालयासमोर गुरवार (ता.२८) दुपारी एक वाजता करण्यात आली.दरम्यान या प्रकरणी मंडळ अधिकारी कांबळे याना ताब्यात घेऊन त्यांच्या विरुध्द धाराशिव येथील आनंदनगर पोलिस ठाण्यात गुन्हा दाखल करण्यात आला आहे.

लाचलुचपत पथकाने दिलेल्या माहितीनुसार,तालुक्यातील चोराखळी येथे देवस्थान जमीन सर्व्हे नंबर ६३९ मधील ५० ब्रास मुरूमाची वाहतूक करण्याची मागणी तक्रारदार यानी तलाठ्याकडे केली होती.पण तिथे काही जुळून आले नाही.

त्यामुळे तक्रार दारानी येरमाळा येथील मंडळ अधिकारी देवानंद कांबळे यांची भेट घेवून देवस्थान जमिनीमधील मुरुमाची वाहतूक करण्यासाठी रॉयल्टी भरून न घेता व वाहतूक करीत असताना तलाठी यांच्याकडून कारवाई टाळण्यासाठी ४ हजार रुपये मंडळ अधिकारी कांबळे याना देण्याचे ठरले.

लाचलुपत पथकाने बुधवारी लाच प्रकरणी पडताळणी केली.गुरवारी मंडळ अधिकारी देवानंद कांबळे याना लाच स्वीकारताना धाराशिव तहसील कार्यालयासमोर रांगेहात पकडले.ही कारवाही लाचलुच प्रतिबंधक पथकाचे पोलिस निरीक्षक विकास राठोड,मधुकर जाधव,विशाल डोके यानी केली.