वडीगोद्री - औरंगाबाद (ता. अंबड जि. जालना) रोडवरील दुनगाव पाटी जवळ सोमवारी (ता. 8) मध्यरात्री एक वाजण्याच्या सुमारास पोलिसाच्या गाडीचा व ट्रकचा आपघात झाला. यात जळगाव येथील  एक पोलिस कर्मचारी ठार झाला 

जळगाव येथील पोलिस तपास करण्यासाठी सोलापूर येथे गेले होते. रात्री एक वाजता वडीगोद्री मार्ग औरंगाबादकडे येत आसताना दुनगाव जवळ ट्रक (क्र. आर. जे. 19 जी  आय  8776) व पोलिसाची इनव्हा गाडी (क्र एमएच  45 ए 9909) या वाहनाचा अपघात होऊन या पोलिस कर्मचारी राजेंद्र हिरामण पाटील (वय 50 रा सावरखेडा ता. जि.जळगाव) हे ठार झाले.  तर तीन पोलिस कर्मचारी जखमी झाले. जखमींवर पाचोड येथे व नंतर औरंगाबाद येथील घाटी रूग्णालयात दाखल करण्यात आले. 

गोंदी पोलीस स्टेशनचे पोलिस उपनिरीक्षक अनिल परजने, हनुमंत वारे, कर्मचारी के. एस. दासर, वाय. जी. दाभाडे, जी. डी. गुजर यांनी घटनास्थळी येऊन जखमींना रूग्णालयात दाखल केले. अपघात ग्रस्त पोलिसांच्या गाडी मध्ये दोन पोलीस एक महिला पोलीस व दोन आरोपी असल्याचे पोलिस उपनिरीक्षक हनुमंत वारे यांनी सांगीतले.