उस्मानाबाद : कोल्हापूर- पारसनाथ- धनबाद या रेल्वेची उस्मानाबाद मार्गे पहिली फेरी शुक्रवार (ता. १९) पासून सुरु झाली. उस्मानाबाद रेल्वे स्टेशनवर सकल जैन समाजाच्यावतीने या रेल्वेचे स्वागत करण्यात आले. यावेळी रेल्वेला पुष्पहार घालून व पेढे वाटून आनंदोत्सव साजरा करण्यात आला.

या रेल्वेमुळे जैन धर्माचे सर्वोच्च तीर्थक्षेत्र श्री सम्मेद शिखरजीला जाण्याची सोय झाली आहे. उस्मानाबाद जिल्ह्यात जैन धर्मीयांचे एक सिद्धक्षेत्र कुंथलगिरी, धाराशिव जैन लेणी, तेर, कासार आष्टा, काटी सावरगाव, नाईचाकूर असल्यामुळे उत्तर भारतीय जैन भाविकांची सुद्धा आता सोय झाली आहे.

वाचा - कार्यकर्त्याच्या आग्रहाखातर आमदार लग्नात डीजेवर नाचले, व्हिडीओ होतोय तुफान व्हायरल

एकूणच या रेल्वेमुळे उस्मानाबाद जिल्ह्यातील पर्यटनाला वेग येऊन उस्मानाबाद जिल्ह्याचे नावलौकिक वाढेल, असा विश्वास यावेळी जैनबांधवानी व्यक्त केला. यावेळी सकल जैन समाज अध्यक्ष उल्हास चाकवते, सचिव अतुल अजमेरा, सुदेश फडकुले, राहुल दुरुगकर, अतुल कांबळे, प्रशांत येणेगूरे, अक्षय गांधी, बाहुबली नवले, सुनील वायकर, मनोज चाकवते, पप्पूशेठ पांडे, मिलिंद एखंडे यांची उपस्थिती होती.

Edited - Ganesh Pitekar